近來既妝容我好鐘意畫偽雙眼皮XDD

收到dejavu全新冬日雪花限定版既持久貼服眼線系列，簡直令我畫得更加順心。

估唔到保養品要換季，化妝品都會換冬日造型：）

三款新包裝，筆桿燙印上閃亮既冬日雪花圖案，真係幾吸睛喎！

♥ 旋轉筆芯型眼線筆 - 深啡色

♥ 柔軟毛筆型眼線液 - 亮啡色

♥ 柔軟毛筆型眼線液 - 亮黑色

♥ 旋轉筆芯型眼線筆 - 深啡色

為左俾大家睇清楚眼線既部分，眼影我用左隻帶珠光色既裸粉色，無做任何漸層效果。

旋轉筆芯型眼線筆我平時畫眼妝係必須既，主要用黎畫內眼級線，順便調整眼型輪廓。

我幾鐘意呢枝筆芯夠幻細，可以好精準咁畫出輪廓，畫起黎亦順滑流暢，自然既深啡色帶出眼部柔和感。

輕輕畫好內眼線既部分，已經睇得出眼型順滑左。

我都有偷少少位，將眼尾部分拉長左2mm左右，令眼仔睇落更大。

♥ 柔軟毛筆型眼線液 - 亮啡色

柔軟毛筆型眼線液有啡／黑兩隻色，0.1mm極幼細柔軟既毛筆型眼線液筆頭非常好畫，獨有薄膜配方，用溫水即可輕易卸除，對抗皮脂、汗水、淚水，耐摩擦，全日不暈染。

我超鐘意用呢隻亮啡色黎畫偽雙眼皮，對岩位，輕輕橫印落雙眼來皮位再向後拉起筆頭，一下就搞掂，而且條線真係任我點眨眼都Keep到成日絲毫無損架。

♥ 柔軟毛筆型眼線液 - 亮黑色

我會用黑色眼線液將眼尾位置拉返更細長，眼型就可以保持柔和，但又實在。

最後拎返旋轉筆芯型眼線筆 - 深啡色，填滿返下眼角位置，成個眼妝就完成啦。

非常簡單：）

合埋眼雖然會見到我條偽雙眼皮線，用返啡色眼影做眼尾就可以解決到。

不過今日想大家注意力放係眼線到就唔特別隱藏佢啦，大家應該明顯眼神亮麗又大左。

我最近超鐘意畫呢個眼妝呀>////<

讓你隨意調節眼線粗幼度，即使眼尾部分都能輕易描畫。

銷售點：

各大莎莎、LOG-ON及Colourmix均有代售

建議零售價：HK$ 98/枝

「產品及有關資料由品牌提供」