真係講都唔信，話說Yandy家突然玩停電，凍到死死下都算啦>.<
臨近新年，樣樣野都要趕deadine，身心俱疲仲要玩停電咩? 最慘係無澡沖呀!!!
所以當下唔理37•21即時book左個有涼沖既SPA嘆一嘆先XDDD
位於銅鑼灣既AMOOMA SPA & Sanctuary，地點就腳，一出地鐵站行兩步就係啦!
我一提個名已經有唔少朋友仔表示呢間野好正，似乎都幾受歡迎喎：）
主打正宗泰式按摩，仲有香薰按摩又或各類美容護理服務。
我今次就揀左佢地好有人氣既泰式草球按摩（45分鐘）
房間環境好泰式，獨特既草藥芳香充滿整個房間，好似一下子唔記得左自己仲係香港呀XD
有私人既浴室同梳妝位，換好衫就訓好等按摩師啦!
順帶一提，床舖有暖氈，咁凍既天氣真係訓得好舒服呀：）
未開始泰式草球按摩，按摩師會幫你做一陣基本按摩，warm up放鬆下個body先。
草藥球放係蒸籠入面預熱，入面放左泰式獨特香料及草藥，可以帶動返血液循環，清除體內毒素，對於對改善四肢冰冷，腳部浮腫好有效。
同時都可以舒緩肩酸背痛，驅走壓力及消除疲勞架。
按摩師既手法好純熟，速度同力度都好平均，有D比較酸痛既部位，佢都好主動咁幫我按多幾下，草藥球溫溫熱熱，一個熱敷一個按摩，不斷交替，舒服到我成個人迷迷濛濛XD
我做之前落左底妝(有保留眼妝)，做完面色紅潤得黎白裡透紅，仲靚過化左妝呀>////<
沖埋個靚涼，精神爽利。
化妝位有埋風筒可以吹頭，成日個人refresh哂呀!!!
|
