岩岩係日本返黎，急不及待同大家分享呢隻水噹噹既防曬孖寶呀：）
臨去日本之前，不約而同咁有幾個朋友託我入貨呢枝防曬。
點知出發前就收到試用，我就順有帶埋佢地去日本啦。
10日既大阪之行，天氣真係變幻莫測，凍到0度著哂羽絨，熱到20度可以短袖出街，外加大風兼大雨，睇住個天風雲變色，真係日日都有驚喜XD
好彩有呢兩枝防曬孖寶陪住我：）
係日本大大小小既藥妝店都會見到佢既蹤影，我真係好期待到底有幾正：）
♥ ALLIE EXTRA UV GEL 特效防曬啫喱 90g
♥ ALLIE EXTRA UV BB GEL 特效防曬 BB 霜 30g
除左最高級別SPF 50+ PA++++防曬效果，強效耐汗、耐水，深層 UV 遮斷技術 (ADVAN)
最特別既係加入耐磨擦 Friction Proof 機能防曬塗膜，者係日常既磨擦，好似手袋、衣服、毛巾等...都會令防曬脫落，加左呢個具彈性的塗膜就可以令防曬係受到磨擦後維持原狀，繼續保護肌膚，維持一整日，而且仲可以用一般潔面 / 沐浴產品卸除，好方便。
不含香料、不含防腐劑 Paraben，但加入精華素成分(保濕)【透明質酸及膠原蛋白】。
♥ ALLIE EXTRA UV GEL 特效防曬啫喱 90g
白色啫喱質地，搽起來非常水潤清涼，延展性很好，推開感覺非常輕透，肌膚吸收後有種水噹噹既感覺，完全唔黏膩。
臉 / 身體都可以用架，完全無泛白問題，亦唔影響之後上妝，最重要係唔會推到稍稍，仲有輕微既修飾效果，上妝前用一流。
係大阪既天氣比較乾燥，其中落左幾日雨，但用左佢打底，基本上成日都唔再需要補妝，令我好驚喜。
♥ ALLIE EXTRA UV BB GEL 特效防曬 BB 霜 30g
同防曬啫喱質感非常相似，搽起來同樣水潤清涼，推開同肌膚自然融合，有均勻膚色同細緻膚質既效果。
比起防曬啫喱，防曬 BB 霜既感覺係無咁水噹噹既，但都唔覺黏膩。
我好鐘意佢自然修飾既效果，非常自然透亮，又唔會偏色，更加唔會灰左，Nice！
明顯既暗瘡印同黑眼圈就要用返遮瑕做局部修飾啦。
如果個日係會係戶外活動既話，我仲會薄搽一層防曬啫喱，再搽防曬 BB 霜，咁就更安心啦。
而且就算咁樣疊埋搽，都係唔會起碎碎，真係要拍手鼓勵！
呢個旅程，無論係凍到0度著哂羽絨，熱到20度短袖出街，大風兼大雨，行街定去郊外，妝容都維持得非常好，完全唔洗補妝，白蝕位置亦無紅無興，證明呢個枝防曬孖寶真係完美幫我隔絕左紫外線既侵害。
**白蝕位置無左黑色素保護，見光即紅，亦好易會被陽光灼傷。
大推呢兩枝水噹噹既防曬孖寶俾大家呀：）
Kanebo 專櫃：崇光百貨 (銅鑼灣店、尖沙咀店) | 朗豪坊 BEAUTY AVENUE |千色 CITISTORE (荃灣店) |永安百貨 (彌敦道店)
「產品及有關資料由品牌提供」
|
