一般講起化妝，大家都將重點放左係顏色同質地上，但無論粉底液、蜜粉、粉餅、眼影定胭脂，我地都需要有輔助工具幫助上妝，一套適合既化妝掃可以將妝容提升到另一個級別架。
最近我頻頻去旅行，帶屋企用開既化妝掃真係唔太方便，下下都要等到最後一刻先可以收拾好行李。
就係呢個時候我收到佢：）
MARY KAY® ESSENTIAL BRUSH COLLECTION 美妝大師化妝掃套裝
全套化妝掃既掃毛由優質纖維毛製成，完美結合人造纖維毛既結實富彈性和天然動物毛既柔滑，無論家用定帶出旅行都非常適合。
而一套化妝掃到底適唔適合自己，其實基本上可以留意呢幾點既。
最多人留意既一定係刷毛，岩岩提過MARY KAY既呢套化妝掃掃毛係由優質纖維毛製成，好多人一聽到「纖維毛」就覺得係次一級既，NONONO！！！
刷毛一般分為天然毛 (動物毛) 同人造纖維毛兩種，動物毛通常價格較高對肌膚也比較溫和，但一支刷具的好壞其實好大程度上係取決於它的品質，試唸下如果動物毛無好好處理，再製成化妝掃，你好可能只係得到有異味又甩毛既化妝掃，咁又點會好用呢？
所以製作精良優質纖維毛既使用效果唔一定輸比動物毛架。
呢套化妝掃結合左人造纖維毛既結實、富彈性和天然動物毛既柔滑，觸感柔軟得黎唔會刺激肌膚，完全不輸動物毛。而且纖維毛比較耐用，有D動物毛既化妝掃都會局部加入纖維毛幫助定型，先唔會洗幾次就變形。
5件組既化妝掃，已經包含左面部和眼部所需既基本醒具，可配合任何粉狀、膏狀和液體彩妝品使用，呈現自然、完美既妝感。
簡而精，非常適合旅行用，而且質量非常唔錯，旅行後加入家用既化妝掃群亦完全無諱和感。
雖然缺少左粉底刷，但旅行既妝容其實亦唔需要用到濕粉掃咁細緻，畢竟用掃上濕粉係真係比較花時間既，帶返海綿或者美妝蛋幫手仲更加方便快捷。
考慮到旅行攜帶既方便性，附贈既收納袋真係非常加分，黑色簡約既設計，壓燙上MARY KAY字樣，材質對化妝掃有一定既保護程度。
中間仲非常細心加左分層，化妝掃既餘粉唔會互相污染，係非常加分既設計。
蜜粉/ 碎粉掃
正醒係我偏好既圓頭蜜型狀，均量澎鬆可以上出具透明感既妝容，毛質親膚。適用於所有粉狀化妝品。
斜角胭脂/ 修容掃
眼妝用分別有三枝，一般我自己會用最基本既眼影掃做底色，中間既斜角眼影掃做眼尾同下三角位既混染，圓頭眼影掃就做臥蠶。
亦有人用圓頭眼影掃畫眼窩，但呢三枝已經非常足夠畫出靚靚既眼妝架啦。
如果你未有一套化妝掃，絕對可以入手呢套小試牛刀，等用習慣後再加添更完整既遮瑕刷、唇刷等等。開始用化妝刷化妝之後，你會發現妝感變得更細更精緻，將妝容提升到另一個新層次：）
Instagram: @MaryKayHongKong @spring_pr
Facebook: @MaryKayHK @springpublicrelations
「產品及有關資料由品牌提供」
|
