相信大家都知Yandy岩岩去左個長旅行，非常努力咁洗版XDDD

因為今次真係影左好多靚相：）

去旅行前一定要做既其中一件事，當然係去返轉Salon啦。

之前已經開始搵Gary整頭，好多朋友都跟過機同我報告話有幾正。

最近佢仲自己開埋舖，恭喜恭喜!!!

緊係要黎試下新環境啦：）

新舖係太子地鐵站附近，幾易搵。

空間大左，光猛又舒適，裝潢帶少少英式格調，感覺更加時尚舒服。

係時候睇睇我個頭，呢個係漂左4次，加瘋狂染髮九個月之後既爛髮，已經有少少梳唔開既狀況，平時打理都已經做足保養，但已經去到無乜作用既地步啦^^"

本身係唸住剪短去旅行既，但Gart話去旅行影相緊係長髮好睇D啦!

於是，今次就黎一次「極速換髮行動」：）

岩岩上任無耐既WEBOND，黎自日本，針對漂染頭髮而設，兩個步驟，唔洗一個鐘，幫頭髮起死回生。

Well~我不得不承認我係有過一絲懷疑，隻隻保餐都講到自己有幾巴閉、有幾掂，但用完咪又係咁...^^"

不過既然都可以剪既，最多咪整唔掂先剪囉，試一試又何妨?

搽完PART 1等10分鐘沖水。

過水時有埋按摩，都真係幾爽>////<

沖完頭髮已經梳得開啦，做埋part 2 為頭髮保濕，加添光澤，摸上手係滑架💕

過程一個鐘都唔洗就完成，呢個柔順度，同人講漂左4次一定無人信^^"

既然把頭髮無事，又有時間，當然係再染過啦XDDD

今次Gary就幫我揀左呢隻深海藍色，低調返少少又特別。

低層漂染過既做深海藍色，面層處理返岩岩生左截既黑髮，染左隻冷啡色。

又係等待既時間啦~

過完水已經睇到底層既藍色。

兩個人齊齊幫我吹頭髮，然後係最後既修剪。

唔係剪左好多，長度幾乎完全保留左，好鐘意呢隻深海藍色，感覺好特別又勁易襯衫同妝。

順滑程度簡直令人驚訝!

之前既漂染，加上我日日都夾頭髮，其實真係儲儲埋埋唔少斷髮。

但摸上係順既，唔會卡，可以一梳梳到尾。

影相唔同角度，顏色都有好微妙既變化，低調得黎其實好吸睛：）

我另一個鐘意去搵Gary既點係預約好時間就即到即開始，唔洗左等右等，時間好就好多。

Gary都仲有有其他服務，好似日本直療、負離子直髮等等既服務，有興趣歡迎查詢呀：）

更多服務/資料請去: Garychanhair

「產品及有關資料由品牌提供」