ARMANI上年推出首個紅噹噹既Cushion後，立即燒列全港女士，連身邊少有化底妝既朋友都忍唔住個個都入手，開售無耐就斷哂貨，真係不得了。
延續ARMANI既傳奇，今年1月推出左全新限量版MY ARMANI TO GO CUSHION COUTURE EDITION 雪紡水光氣墊精華粉底 (HK$590 *備有#2及#3色)
同上年紅色型爆既包裝好唔同，今次ARMANI將時裝元素融入粉盒設計當中，別出心裁既放射性扇形線條，將銀色亮面圖案點綴氣質感滿分的裸粉色粉盒。
將MY ARMANI TO GO CUSHION COUTURE EDITION 雪紡水光氣墊精華粉底係包包列拎出黎，成個畫面就係一種優雅：）
「裸粉氣墊」唔係得個樣，係彩妝與時裝藝術既完美結合，外型睇得，妝感了得。
一盒同時亦具有亮肌、去黃、抗污染、修護功能，加上SPF15防曬，能抵禦一般日常紫外線的傷害，另加入更萃取自透明質酸的持久保濕成分，令上妝後肌膚全日維持水潤飽滿。
亮肌「裸粉氣墊」雪紡水光氣墊精華粉底主打當然係亮肌效果，大量美白因子及微柔粉末，瞬間修飾瑕疵和暗沉膚色。
幫你一秒告別暗沉，美白提亮之餘，加上多重防護因子保護肌膚，締造出美白亮肌裸妝。
仲含大量透明質酸，鎖住水分，24小時保濕滋潤及淡化細紋。
佢既粉樸亦非常深得我心，質地結實、有彈性，尖端位好切合到眼頭、鼻翼等位置既上粉需要，令上妝更輕鬆簡易。
上妝後既質感舒適透薄，均勻及提亮暗沉既膚色，更呈現出自然而粉嫩白晰的效果。
遮瑕度唔算好高，暗瘡印、黑眼圈大約只遮到一半，如果需要高少少遮瑕可以揀返紅色盒個而佢水潤度非常足夠，但做到清爽不黏笠，仲非常長效持妝，出街返工幾乎完全唔需要補妝，韓系既氣墊立即被比下去>.<"
裸妝當道既年代，咁輕易締造出剔透亮肌妝效，真係非常切合急促又力求完美既香港人：）
|
