捱足五日係Office做做做，星期五晚理應好好享受：）
今次就近近地去左灣仔Club of Perfect Life，嘆個宮廷經絡療法，排毒、抗氧化、去水腫兼抗衰老，保健調理身體，爽爽地放假。
Club of Perfect Life係主打健康美容護理和一些天然及有機護膚品既公司。
係世界各地搜羅頂級有機及天然產品，包括護膚品、化妝品、健康食品、有機茶包及小食等，同時以較優惠的價錢給予顧客享受健康生活。
現有3間門市，分別位於灣仔、尖沙咀、佐敦及一間國際網上購物中心Eshop。
仲有個宮廷潔顏粉，除左洗面，仲可以洗UNDERARM，中藥成分幫助排毒。
備有中醫藥管理委員會註冊中醫支援服務，以提供客人更專業和可靠的服務。
由於每個人的身體體質和需要都有所不同，所以係開始療程前，會先透過最新引入經絡感應儀，檢測到十四經的經絡強弱和氣血狀況。
將經絡感應儀係手和腳幾個特定穴位到，唔洗幾分鐘就知道有報告出啦。
係進行療程既時候，治療師就會因應報告，針對特別需要改善的經絡和穴位對症下藥，咁就更有效率咁解決問題同達致最佳的效果。
系統仲會提供埋食療建議，日常生活當中自己都可以以食療改善身體體質，達到容光煥發、步履輕盈既妙效。
不過對於我呢個無飯家庭既人黎講，要我跟住煮就無可能啦，但都可以食多D食療入面提到既食物既。
帶個私人櫃仔可以放好隨身物，仲好有聖誕氣氛添，即刻warm左。
治療師都準備左個枕頭俾我趴得舒服D，加埋張即棄棉質布隔一隔，感覺衛生。
宮廷經絡療法採用珍貴草藥配方包括靈芝、赤芝、白伏苓、五味子等，配方取得國際驗證公司INTERTEK驗證不含防腐劑及通過重金屬及有毒元素成分測試，可以去水腫，仲集高排毒、高抗氧化、去水腫及抗衰老的顯著效用。
治療師會配合埋按摩通淋巴手法由頭到腳幫你梳通經絡，感覺比起之前做過既磁叉療程舒服一百倍，起碼唔會痛到眼淚水都出埋先啦。
過程同按摩差唔多，而且治療師按得好到位，每一下都有少少酸，又唔會痛，都幾享受架。
經絡按摩完，再加埋呢個每日人手新鮮限量製作既新鮮薑包，配合專屬手法作保健按摩，可以溫經散寒，好岩適秋冬季節同常處於室內冷氣既人士。
我就係D長期手腳冰冷既類型，個薑包暖暖地係背上按摩既感覺真係超Relex，仲可以驅走體內寒氣，最岩女仔保健調理身體。
做完經絡，有D位第二日會有少少酸痛感，正常現象黎既，好快就冇事。
半睡半醒咁嘆左個幾鐘，個人鬆哂，個身都輕盈左，不過就會有少少眼訓，返到去訓返覺好既，星期六、日玩返夠本。
|
