如果你問我點解會打返blog
我實在地告訴你！
因為生活太美好，需要每日記錄！！
我住係九龍區，其實好少機會會去到葵涌！
係因為而家做緊既工又就快約滿，所以要去葵涌見工！
我就著得算靚咁出門既∼形容下先！
擺脫以往既MK平陰look，我黎左個側分成熟無陰look
然後著高領白紗shirt加高腰黑長裙n栗色短靴
對於今日既衣著實在係有d自信既！
開心咁出門後，又快快手咁上左巴士！
順利到左站後…竟然唔識行…
但係問左個婆婆，知道左大概條街係邊！婆婆超好！！！
之後我問左個小姐，佢既答案係好搞笑
佢表示：你轉彎會見到座好靚既建築，再直行見到另一座靚靚建築物，就係喇！
哈！你都唔知我幾擔心分唔到咩叫靚！
結果發現葵涌呢種舊區，靚既建築物勁少！
同九龍區差距都算大，但係人情味，濃！！
我跟住小姐既指示，果然十分鐘唔洗就到左∼
距離見工時間仲有45分鐘，所以我就想搵野食啦！
途中我遇到中學既旅遊巴要進出，
個保安ee同我地呢d途人講話：對不起，阻一阻你
我對佢笑一笑，話唔緊要，並講左句，辛苦曬你
然後佢竟然言，ar妹，你好靚！
聽到緊係勁開心啦，不過我諗唔係我個樣令佢覺得我靚，
而係我既態度令佢欣賞！
之後我去左間叫“食口福”既老店食左個21蚊早餐，飽得黎又驚喜
為咩驚喜？就係個牛油方包係估唔到咁香咁脆！！
而且，街坊既熱情服務！！大好，it makes me a day
食完早15分鐘去見工，搞左一輪之後！佢地請我！！！
結果我本來諗住繼續搵工既下就，就唔同曬！
有目標變成無方向隨便行，點知行到好攰
心諗有冇d有特色d既店可以比我休息下！
望向前面，即刻發現心中所想！！！
一間細得黎有格局又平既西餐廳！！！！！！
入到去，店員都好nice!!即刻叫左個餐！！！（唔好質疑我食完又食）Great day
| 
