今日係年初一牙！番到屋企....未想訓住..所以就寫日記喇~
今朝我9點就醒左啦！不過知道媽咪唔會咁早起...所以就繼續係張床到等.....
幾難先等到媽咪起床牙！！第一個moment梗係要同佢講聲恭喜發財啦！^0^
貪佢封利是嘛~^^哈哈！點知佢話要刷好晒牙，換好晒衫先逗得利是....
我即係理都唔理.....就衝左去刷牙洗面，著尋日買套靚衫~等佢俾利是我喇！
爸爸今日唔係好舒服~所以好鬼遲先起身...車我地去嫲嫲到~
我地今年又係最早到個個啦！^^又有翅食啦~不過依家唔係好想食啦...厭晒！
突然，媽咪話要去婆婆到拜個年先再番番黎...我都5係好想走黎走去嫁！
不過lunar new year~廢事搞到自己心情唔好啦....所以..."算數"！
去到婆婆到坐左一陣(唔過15mins)咁大把...就要番番嫲嫲到喇~
去到....見倒表姊，家明，細佬佢地都已經到齊晒喇！^6^好齊人~
又係咁逗利是~呢個係我今日黎既見的！哈哈,,,,,^3^同家明&細佬玩得好開心~
跟住4點幾倒...我地一齊出發去元朗~今次細佬都去牙！^v^好人齊~真開心！
我地去到....成班細佬即係衝上三數個窗台到玩"耍盲雞"~好開心牙！^0^
我地玩到唔知時間....快樂既時光~真係會過得特別快架！！！>3<
話咁快到6點幾喇~媽媽要我地一齊落去幫手開枱食飯....好乖喔~ ~~
食到飽飽地......我地又想去玩啦~不過都唔知玩咩好~唔想再玩"耍盲雞"啦！
玩到我地好鬼攰~~所以就咁就坐係到傾計計.....紫情係咁噪住要玩"耍盲雞"牙！
為左佢自己想要既野.....原來佢真係可以好長氣嫁！！>3<講極都唔厭既~~！
跟住我地又上左去三樓到打麻雀....除左表姐......我一開始就贏左兩局啦！^o^
>∩<早知就賭錢啦~唉~洩左tim.....忽然接到媽咪既電話~要我地執番好晒d野...
走啦喎~d時間真係過得好快~^3^好開心既新年.....希望下年都係啦！^0^
~:~:~:~:~:Happy New Year！！！^3^Everybody~:~:~:~:~:~
