中銀信用卡供股賺積分

無疑，月供股票有好有壞。最明顯的壞處是不能捕捉最佳的入市時機。另一方面，與普通的股票買賣一樣，月供股票都要繳交佣金等一連串交易費用。對於月供股票客戶，銀行都是每月收取一項最低收費，供款愈少，手續費的比例就愈高，變相投資成本會較普通的股票交易更高。

基本上銀行的收費方法都大同小異，主要是每隻股票每月繳交 50元手續費（最低收費額），當中已包括了經紀佣金、印花稅、聯交所交易徵費等連串交易費用。然而，除此之外，還有其他收費需要留意。舉例說，匯豐銀行的月供股票戶口，只有首兩年可以免託管費。踏入第 3年，就會每半年收取一次託管費，每次 150元（卓越理財客戶 100元）；永隆銀行的證券戶口客戶，無論是月供抑或普通買賣，都硬性每年繳交 120元的年費。

要數收費最抵的，一定是中國銀行。目前，其他銀行都是每隻股票收費，但中國銀行卻是逐項計劃收費，每項計劃可供不多於 5隻股票，月費為 50元或供款額的 0.25％（以較低者為準）。換言之，即使一次過揀 5隻心水股去做月供，只要供款額不超過 2萬元的話，月費都只是 50元而已。相對其他逐隻股票收費的銀行，想多供一隻股票，就要多給 50元，中銀明顯實惠得多。

中銀永隆沽碎股不蝕價

中銀還有另一項優惠，就是可以透過信用卡去供款，每供 1元，就有 1分積分。假設每月供款 5000元，只要滿 4個月供滿 2萬元，就已經換到一張 100元的現金券。這個優惠，一定不可以錯過。

月供股票，還有另一個問題要注意，就是碎股。每月的供款，未必可以整整齊齊地買到一手股票。市場上沽售碎股，多數會較正股價低 4至 8個價位，非常之蝕底。不過，中銀和永隆銀行，都有用正股市場買入價沽碎股的優惠，令投資者受惠。

唔好月供股票啊!! 尤其係只供 $1,000，我之前都同你一樣，我o個時第一次接觸股票，又無咁多資本，有怕風險(因為唔識)，所以用月供股票買0005，諗住夠晒穩陣，唔駛驚，過左兩個月發覺D手續費好多，跟本賺埋唔夠俾銀行，供左$2,000就停左，銀行每次買賣都收手續費，又要存倉費，後尾計下計，我足足等左匯豐升$15我先歸本!!
我會建議你每月儲起佢，夠錢後就買D穩陣、平、而回報率高的股票，本人不建議買匯豐，因為太貴了，要成五萬幾一手，但一手只得400股，我當佢升$10，先得$4000，即係得7.x% ，如果你羅五萬幾去買3328,939,3398, 我當你買當中最貴既3328，你可以買到10手=10000股，要用佢黎賺$4000，就只需要升$0.4，你話邊樣易D? 有人話，唔係喎，匯豐股息多，有除淨嘛，D股息咪又o係股價反映，無分別，所以我會建議你考慮3328,939或3398
，呢三隻都係銀行股，波動會少D，同埋都好有potential，適合中長線投資，我自己都有939同3398既股份，希望少少既意見可以幫到你。
另外呢，月供基金我覺得就更唔好，又要手續費，同埋佢買乜你都唔知，回報率又低，本人都試過，蝕錢離場.