| «‹ September 2018 ›» | | S | M | T | W | T | F | S | | | | | | | 1 | | 2 | 3 | 4 | 5 | 6 | 7 | 8 | | 9 | 10 | 11 | 12 | 13 | 14 | 15 | | 16 | 17 | 18 | 19 | 20 | 21 | 22 | | 23 | 24 | 25 | 26 | 27 | 28 | 29 | | 30 | |
最新日誌
日誌分類
我的好友
我的連結
|
2008 年 4 月 3 日 星期四  |
| 2008-04-03 |
關心多一點...
林生在星加坡病了, 但你身在異地, 我不能夠為你作什麼, 只希望你快d好返~
今日同bb起身之後, 同老爺奶奶去飲茶, bb很早又眼訓, 對著他們混身不自在, 所以很早便離開, 因為家裏還有很多東西要做, 煲水, 洗奶樽, 同kola 換籠, ....收衫, 清理垃圾, 雖然暫不用返工, 但時間都過得很充實, 除了實質的東西要完成之外, 還有很多長遠的東西要計劃,..例如設計bb的作息時間表, 和奶奶的相處方式, 因為兩個小朋友, 和她接觸的機會很多, 我已經能把老爺所說的癈話當耳邊風, 學習要懂得討好他們, 還有找地方減壓, 例如給他們關心多一點, 他們的確很老了, 沒有什麼依靠
想著bb一天一天大, 對著我開心的表情....我的目標是每日都見到他笑得開心和感覺我們給他的付出~
很快到後日, 林生又回家了, 我們一家又團聚了~
 林均浩十個月la~
|
| 2008 年 3 月 31 日 星期一 |
| 2008-03-31 |
施捨得來的..
林生返完黎屋企一日又走了, 這一星期我開始真真正正的過我這一個無薪的產假, 我可以自由地睡覺, 可以不用看夜, 可以完成之前沒有時間完成的task, 亦不用一邊返工, 一邊掛住浩浩..
這半年的日子我的脾氣真是很差, 很不平衡 , 因為好多野擔心, 好多野令我唔開心, 因為返工所受的氣同壓力, 再加在老爺奶奶那邊所給我的壓力, 我只可以同自己說更多正面的說話, 只有看見浩浩為我而笑的時候, 我可以感覺舒緩所有所有的唔開心, 只有看見他沒病沒痛, 我什麼也可以不理, 我不是個稱職的母親, 你有阿爺鍚, 亦有麻麻照顧住, 的確現在的我可有可無, 我因為工作, 又因為小b, 不能夠抱你, 不能替你沖涼.....他們做了很多東西亦會煮飯, 很辛苦....他們有心有力, 沒有了他們, 可能我們的日子會更糟, 所以我是從心底裏感激, 又或者, 這都是他們的責任, 因為這是怹們的親孫~
其實我沒有資格小氣, 因為很多東西我是施捨得來的, 沒有你們我沒有家人, 沒有家, 什麼都沒有~~
你遲鈍因為似老母, 你生得不靚(似老母), 你老母唔要你~ 你真係慘, ....我希望你懂是非黑白的時候, 你懂得思考的時候, 你不會為任何說話唔開心, 你會好像你daddy一樣開朗, 因為我只想你活得開心~我會努力為你記下你出世的開心時刻, 讓你長大時可以回憶得到...
阿公離開了, 這是浩b最真貴, 最值得回憶的相片~~~
|
| 2008 年 3 月 17 日 星期一 |
| 2008-03-17 |
只想小b健康地出世..
奶奶老爺有能力同我湊仔, 老公找到份好工, 我們又潻多一男丁, 開心???就快放產假了, 還有十天左右....
佢地返大陸邊個湊, 入院邊個執屋煮飯, 坐月邊個照顧我, 滿月擺酒要幾錢, 我們會不會再搬, 村屋.住大埔邊度, 要交幾多錢租, 是否要請工人俾奶奶, 浩b生日點慶祝....不要想住, 只想小b健康地出世.. |
| 2008 年 3 月 12 日 星期三 |
| 2008-03-12 |
我知自己要d乜野....
以前係兒童會, 成日覺得一遍愁雲慘霧, 可能因為d同事成日覺得自己遭到不公平對待, 同時d細路又遭人遺棄, 現在每日都有d啱出世bb, 應該係好開心的, 但都唔係ge, 其實個問題係邊度呢...其實我係喜歡個工作性質, 但呢度d 人就好有問題, 佢地請人的時候真係亂咁黎, 或者我之前真係太緊張la, 成日都怕自己做得唔夠人好, 還有很多其實, 我覺得佢唔俾我過probation 係唔合理的, 我自問能應付現有的工作, 自得其樂, 不過佢地要求係第二樣野, 要講人是非, 唔係過左年要走, 又唔妥呢樣果樣, 轉個頭...同老細一樣白痴, 真係好白痴, 我知自己要d乜野....不過, 另一邊相, 我係有d 野要自我反省的, 呢個世界無人有責任去滿足你, 令你開心的, 開心係要靠自己努力...例如見到浩浩一日一日大, 小b 又平平安安就快出世,...要平衡自己, 唔可以令佢地同你一樣唔開心...巧兒同lisa的說話, 我同樣讚同~
我要我的生活一日比一日好, 一日比一日開心...
<<070308 林生日記>>
第一次...真正第一次為左做一個project出trip,仲係去左一個鳥不生蛋既地方(雅加達) 我本身唔係好抗拒印尼...不過經過今次坐左一個星期監....真係唔好再有下次....
呢度成日塞車...想出去7-11都要搭(塞)半個鐘車來回就要一個鐘....仲要冇乜可以買...呢度既人差唔多9成既人唔識聽同唔識講英文....係完全溝通唔到既情況下,
根本買唔到野...所以我既活動範圍只係得酒店同RCTI...真係好似以前俾人賣豬仔d人咁..食完早餐就去做野....做完就返倉....d 野食仲要日日都係一樣完全冇得揀.....
呢個月真正咁做野..完全冇得停...我知成日留低事頭佢會好唔開心,所以過左6,7月我都打算同佢去旅行relex下(如果佢捨得董事同CEO).當係送俾佢既禮物啦 俾幾年時間我,
我希望可以做到之前既承諾. |
| 2008 年 2 月 26 日 星期二 |
| 2008-02-26 |
守財奴..
近日成日睇住個銀行D銀碼, 因為好多野要補領, 已經蝕左好多錢, 之後又有幾個月無收入, 我發現轉左這份工之後, d積蓄都無多到, 我覺得自己好似個守財奴, 理財是個學問, 但都要有財先可以理的, 所以要一邊生財一邊研究理財, 呢幾日先有時間整理月結單, 仲有好多手尾, 總之唔見銀包真係好煩....但今日都叫完成返好多補領手續...用盡了一整天~ 今天遇到的事尚算如意...希望不用等到八月, 都能夠有一切順利~小B會為我們打氣的~
|
| 2008 年 2 月 25 日 星期一 |
| 2008-02-25 |
開開心心咁過每一日..
今日可以俾我補二小時返屋企唔駛hea,...真係好!! 返到黎好free, 玩sent 相, 好掛住浩B, 今日林生同我求左簽, 準唔準唔知, 只知道現在生左小B再算, 很多東西現在不由得我Control, 我現在淨係想令自己開開心心咁過每一日~~ |
| 2008 年 2 月 22 日 星期五 |
| 2008-02-22 |
體會..
今天網上行又欠費被cut, 現在又再重開, 昨天返工很辛苦, 因為我又病了, 幸好沒有像最初的頭三個月辛苦和嚴重, 吃了點藥, 休息了一個下午, 便好起來, 不再喉痛, 我知道他會唔開心和擔心我, 所以不敢更不能讓自己病, 要振作 ...但整個人{凋}謝, 現在正體會著一沈百踩和雪中送暖, 百感交雜, ...內心不斷的爭扎, 是要作了結, 還是要拉鋸下去呢, 因為要考慮開支平衡問題和, 個人精神心理情緒狀態問題 ..結論是我要在三月中了結, 這裏的人和事, 三日之內看透了, 今日我的股升了, 不明白是沽了還是怎的, 再等待多天, 便能明白是如何沽出股票的~
無論如何也會支持, 只要清楚自己想點, 才會開心返...我開心返la~~~~^^
26/2 同林生去睇BB, 好好好開心~ |
| 2008 年 1 月 31 日 星期四 |
| 靈寶黃金 |
如果看好金價,一定是揀紫金(2899),為甚麼?
1.紫金有金礦,靈寶只是做冶煉,如果金價升,一定係紫金受惠。
2.雖然表面看紫金好似好貴,但由於其擁有金礦,估值會比沒有金礦的股價高。
|
| 2007 年 8 月 15 日 星期三 |
| 2007-08-15 |
中電年年係賺大錢，但我地小股民可以分到幾多？如果你真係想賺多些少錢，就唔會睇中呢類公用股。我本人都有一手咁多，用來收息，保証穩定，好過放起銀行做定期。：2006-08-27
|
| 2007-08-15 |
投資涉及風險相信你都知，如果你有能力毎月儲＄１０００，不如做月供基金
做月供股票有以下利弊
利：手續費較平
弊：只可以做單一股票；風險好高，但回報未必高；賣出套現困難同埋成本好高
月供基金利弊如下：
利：可以投資外地市場；投資分散和多源化，風險相對低，而回報相對穩定．套現成本好低
弊：手續費較高
零存整付
利:風險低
弊:利潤少
我自已都有做基金，揀d中風險，一次過俾咗萬零蚊，半年都有幾千蚊，好過放係銀行啦！不過千萬不要選有保險成份，會將投資分薄！
|
|
