TM plus+ beauty centre 對我嚟講，唔算陌生，因為我早早已喺 Facebook 認識佢，而且我亦去過舊店做過 treatment。
今次，我嚟到 TM plus+ beauty centre 同樣位於尖沙咀嘅新店。
一出電梯門，就係 TM plus+ beauty centre 接待處。
職員之後推開右邊嘅白色門，帶我進入 TM plus+ beauty centre 嘅休息室。
整個休息室可謂係 TM plus+ beauty centre 嘅中心位，由佢可以去到不同房間，如：浴室、洗手間、治療房、facial房等。
整個 TM plus+ beauty centre 內裏裝修以白色為主，簡潔嘅設計，簡單、雪白、潔淨，已經俾我到舒服、衞生感覺，可以話第一個印象好唔錯。
TM plus+仲要售賣其他品牌嘅護膚品。
我放好自己物品入 LOCKER，換埋衫後。
之後，美容師帶我入去 consultant room 幫我做個簡單肌膚檢查，俾我睇到自己現時最迫切嘅肌膚問題。
其實，我不嬲都知自己肌膚比較邋遢，所以美容師決定幫我做個【碳粉激光療程】，可以靠激光收細毛孔。
【碳 粉激光療程】以活化骨膠原150μs技術 (carbon peeling 150μs) 以無創傷性方法，用 Q-Switched 1064nm激光誘使塗喺皮膚表面嘅碳粒子爆開，使毛孔內嘅死皮徹底剷除，去除深層污垢及黑頭；同時1064nm激光直接進入皮膚真皮層，刺激骨膠原增 生。
決定咗做咩療程，係時候入房進行"大掃除"喇。
房間細細，但係已經足夠使用，因為我只需要瞓喺張整潔、舒適嘅美容床上接受一陣嘅療程。
而且房內光線同隔位系統幾好，可以俾我之後喺昏陰同安靜嘅環境下敷 mask。
TM plus+ beauty centre 用意大利品牌 DIBI 護膚品。
我上網睇過，DIBI 係歐洲最暢銷嘅專業美容美體品牌，絶對可靠，有保證。
美容師幫我面部肌膚清潔後，喺肌膚上塗上一層薄薄嘅碳浮液，令我即時變成 "黑面" 人，然後睇上眼罩。
接住，美容師會幫我打3次激光。
3次咁多？ 肌膚受唔受到？
唔使擔心，美容師會喺療程中問吓你嘅感覺，同時會靠佢嘅專業判斷及經驗，選擇適合嘅激光強度。
而且美容師會由腮骨呢個隱敝位開始【碳粉激光療程】。
第一round：全面熱身。
呢次主要係熱身，令肌膚喚醒細胞。激光打落肌膚表面，感覺暖暖地，完全唔覺得痛。
第二round：爆破碳粉
呢次真係"開工"喇，會聽到 "啪啪" 聲，但係無有怕，因為碳粉粒被爆破，讓碳粉將毛孔內嘅死皮、污垢一次過帶走，咁毛孔先至可以收細，令肌膚變得細緻，膚色均勻，吸收力加強。
第三round：重點進攻
其實，第二round已經清潔咗面部大部分位置，但係你知有d位置嘅污垢、死皮特別多及厚，呢round就係要將剩餘嘅污垢一次過剷除，咁先至徹底，仲有可以令出嚟嘅效果更全面、顯著、均勻。
唔使15分鐘，3 round激光掃面已經完成咗。
美容師將剩餘嘅碳粒抹走，然後幫我做針清及修眉。
最後，當然係幫我敷返個保濕面膜，幫肌底加添返水分。
好開心，1個半小時嘅【碳粉激光療程】順順利利，輕輕鬆鬆完成。
美容師手勢純熟、輕柔，講解清晰，令我既安心又放心將自己肌膚交托俾佢。
完成療程，我係咪即時走人，當然唔係喇。
休息室有茶水供應，可以坐定定，喝返啖熱茶先。
呢個唔係一般嘅茶，而係無咖啡因嘅西番蓮茶。
仲有梳妝台喎，可以打扮吓先走人都得。
如果唔趕時間，仲可以沖返個涼先走又得。
絶對係自由發揮，無姐姐/美容師催你走人。
當你搞點晒，就推返門出去接待處簽返個名，就可以走人。
做完 【碳粉激光療程】，我已然急不及待去梳妝台照鏡。
效果真係得，效果比得上美白激光，而且又達到我想要嘅效果：深層清潔、均勻膚色、剷去厚疊疊死皮。
由於 【碳粉激光療程】係無創傷性，所以做完後可以即時做返日常工作，完全係喺"神不知，鬼不覺"嘅情況下扮靚靚。
療程後幾日，肌膚明顯大食咗，搽幾多份量嘅護膚品，尤其是水份重嘅護膚品，肌膚係咁吸，仲吸得一亁2淨。但係肌膚明顯光亮、細緻、柔滑。
唔好睇做一次出嚟效果咁好，就偷懶。建議 6 次為一個療程，每月 1 次， 2-3次已明顯見效。
不過睇到咁嘅效果，知道【碳粉激光療程】好適合我。
睇到係咪都想好似我咁，嘗試吓 TM plus+ beauty centre 療程？
只要你話 "Co Co 推介"，你就可以按當時肌膚實際需要做一次完整療程，只因
"Taylor Made Plus Beauty Centre 以全新一站式整全美容概念打響旗號，
務求在每一方面能夠為顧客提供全面及完整的美容服務。
正如其名Taylor Made，意思就是度身訂造，為客人提供一個合身而細心療程。"
大家唔好以為扮靚係女性嘅福利，其實 TM plus+ beauty centre 都有男賓部o架。
喺接待處左手邊，就係男賓部嘅入口。
依家，扮靚已經唔係女仕嘅專利。男仕們，你哋都可以上去 TM plus+ beauty centre 試做o架。
而且用嚟做【碳粉激光療程】嗰部儀器亦可有效殺死引致暗瘡嘅細菌及控制油脂分泌，絶對係男仕們嘅喜訊。
TM plus+ beauty centre
地址：尖沙咀漆咸道南 57-59 號金馬倫中心9樓 (即百週年紀念花園對面)
電話：2367 9922
Website: http://www.tmplus.com.hk
Facebook: http://www.facebook.com/TMPlus.Beautycentre/
|
