當你喺旺角人來人往街頭感到好攰或者想搵個安靜嘅地方，你嘅Next Station係邊到？

對我嚟講，Next Station Dessert會係我會到嘅地方。

Next Station Dessert貼近旺角外圍嘅黑布街，係一間環境清靜嘅甜品店。我既可以休息吓，又可以同朋友傾計，食吓甜品，補充吓體力。

一嚟到，見到門口，就見到貼滿各式各樣甜品嘅介紹牌，仲有SET提供，女生見到又點會唔心動！

入到店內，暗黃燈光，木製檯櫈，同室外嘅強烈光線成180度對比，令我即時感到輕鬆、舒服，成個人鬆晒。

原來店舖都好大，除咗門口入嚟嗰到有40-50個位，原來店後面，仲有30個位，而且仲比前面更清靜、更暗。不過比我揀，我寧願坐後面嘅位置，絶對係同朋友促膝談心嘅好地方。

坐定定，已送上一杯水，俾我定一定神，抖抖氣，先至慢慢揀心水甜品。

MEUN內有嘅甜品，其實同門口塊介紹牌差不多，不過就會更詳細介紹甜品嘅材料。

今日，我肚空空，一於就豪D，我獨自點咗2款甜品，應該都食得晒呱。

第一個：鳥結糖芭菲 Nougat Parfait

我自己好鍾意個外型，好GRAND，而且似鳥展翅開飛嘅感覺。

呢個"鳥結糖"，唔同平時食嘅鳥結糖，佢偏向杏仁味；但質感明顯地滑溜，放入口後，佢喺唔停喺口，會即時瀡落喉嚨。
"鳥結糖"好實淨，可以慢慢食都無有怕。

第二個：黑胡椒心太軟配雲呢拿雪糕 Black Pepper Chocolate Molten Cake served with Vanilla Ice-Cream

呢個俾到我驚喜，而且心太軟做得好唔錯。

黑胡椒心太軟係中間嘅朱古力醬加上黑胡椒粉，兩者配搭得好好，唔會好辣，亦唔會好甜，令我食得好舒服。
而且心太軟嘅溫度啱啱好，令我食嘅時候唔會因為溫度高，感覺到"辣"親咀仔，亦唔會令黑胡椒辣到搶咗朱古力味。

仲有個雪糕球係超凍、超硬淨，可以俾我先食完個心太軟，之後用剩餘嘅嘅黑胡椒朱古力醬配上雲呢拿雪糕慢慢食，超爽耶！

估唔到我點嗰2個甜品都咁美味，食得我好開心，精神、體力都返晒嚟。
不過最開心係方便就腳嘅旺角可以一次過滿足到晒我，除咗shopping外，仲可以有個寧靜舒適嘅環境，同朋友吹吓水，食吓嘢，好好享受相處時光。
要留意吓 Next Station Dessert 嘅營業時間係星期一至日 3:00pm - 1:00am，完全係就晒大家shopping後，甚至晚飯後談心吹水時間。

如想知 Next Station Dessert 嘅最新消息，當然仲有最新出品，就要 like 佢哋嘅 fanpage 喇！
https://www.facebook.com/Next.Station.Dessert

【最新消息】

Next Station Dessert 做緊週年獨家優惠

$20購旺角大熱甜品店【Next Station Dessert HKD40甜品現金券】(參考價：$40)

http://www.groupbuyer.com.hk/zh/deal/next_station_dessert_15052015