每年端午節，唔止龍舟及糉齊齊出現，連帶泳裝都出理嚟，因為古語有云：「食過五月糉，寒衣收入籠」，即係夏天正式嚟臨。

作為國際都會嘅香港，舉辦「香港國際龍舟邀請賽」之餘，亦希望一班健兒、支持者盡情玩樂、盡慶而歸，所以有龍舟比賽之餘，亦會舉辦「生力啤酒節，香港龍舟嘉年華」的活動。

今年，一連三日 (7月3至5日) 在尖東市政局百周年紀念花園舉辦的「香港龍舟嘉年華•生力龍舟啤酒節2015」，俾大家喺海邊睇完刺激、緊張嘅龍舟賽之後，齊齊喝返杯冰凍啤酒，聽歌，紓緩高漲情緒、放鬆繃緊精神。

7月5日最後一日賽事，天氣相當好，風和日麗。我嚟到尖沙咀海旁支持自己團隊，睇吓各國健兒如何龍爭虎鬥之餘，亦感受吓現場熱鬧嘅嘉年華氣氛。

我從文化博物館海旁一直往尖東方向行，沿路都唔覺得有咩特別。但係喺距離「香港國際龍舟邀請賽」區域嘅200米，已經開始感受到熱鬧氣氛 。

往維多利亞港看，見到有一排船隻劃分出比賽區域，中間有一條條比賽行道。岸邊已經有人坐定定離遠觀賞每艘龍舟嘅到來，仲做埋旁述講返每條賽道嘅情況，好搞笑。

嚟到「香港國際龍舟邀請賽」區域嘅門口，樹立咗個竹棚，好有傳統特色。

不遠處，又有艘"龍舟"等緊我，原來係一個吹氣龍舟。賣相好得意，哈哈！

之後我一直往前行，尋找自己隊友。沿路，已經見到好多各國健兒比賽完畢，輕輕鬆鬆暢喝啤酒，同不同背景影相留念。

我見到有可愛龍舟印水紙，當然要整埋一份，增添氣氛。

喺海旁，每場賽事絶對係緊張熾熱。可以睇到每位健兒用盡全力划動手上龍舟槳，聽到每位支持者用盡氣力吶喊，極力拍掌鼓勵，為自己隊友打氣，我當然係其中一位。原來真係用好多力氣，拉緊每條神經去支持O架！

比賽完後，不論勝負，大家都盡咗力，係時候可以放鬆吓。

我就去咗尖東市政局百周年紀念花園，因為嗰到除咗有健兒休息區外

仲有「生力龍舟啤酒節」，讓一班健兒、支持者喝返杯冰凍啤酒消消暑，投入歡樂的大派對，令你感受另一種"HIGH"爆氣氛。

「生力龍舟啤酒節」地方唔算大，但係活動應有盡有，令所有到訪者都感受到熱鬧、歡樂、和諧氣氛。

場內有以下活動及攤位：
1. 啤酒攤位：生力提供不同款式酒精類喝品，讓來自世界各地的朋友一起瘋玩，盡情享受生力啤酒。

2. 生力香港情景3D拍攝區：為慶祝生力啤酒125周年，現場設有霓虹燈招牌、昔日的生力龍舟及雜貨鋪情景組成的香港特色3D拍攝區，讓大家齊來拍照留念。

3. 生力陸上龍舟邀請賽：無份參與海上龍舟賽嘅人唔使失望，因為陸上都有龍舟賽，試玩龍舟機，體驗「划龍舟」的樂趣，同樣精采萬分。
4. 「勁飲擂台生力軍」啤酒競飲大賽：海上鬥龍舟，陸上鬥酒量。各位擁有過人的酒量嘅人士可以齊齊比併，考驗各國人士嘅酒量，歡呼聲、拍掌聲絶對唔會少過岸邊。
5. 跨世代搖滾聲勢力：一個戶外馬拉松音樂派對，邀請一班超人氣歌手、樂團接連登場，拼發音樂火花，勁歌節拍，扭動身體熱舞，讓全場high到爆。

場內啤酒女郎好受歡迎，不同國籍嘅男女都上前合照。

可惜得4個咁少，太少可人兒喇！

雖然我唔係參與晒咁多項活動，但係都感受到各位參加者嘅歡樂、高漲嘅氣氛，齊齊喺賽事嘅另一邊廂感受不一樣嘅熾熱氛圍，另一種HIGH，尤其是當你遇到"他們"。

P.S.：地鐡站出口有晒清晰指示牌，跟住嚟行完全唔怕搵唔到「生力龍舟啤酒節」地方，絶對值得讚。