每個女仔，甚至係男仔，都想擁有一把「潔而亮」、可以飄下飄下的秀髮，要想咁樣，可以點樣呀？就要留意以下介紹的洗髮程序啦！
正確洗頭程序
1. 係未將個頭淋水前，應先用梳梳順個頭，整走頭髮表面的塵垢
2. 之後，將水溫較至適中，即係約40℃左右。
3. 一開始沖水時，用雙手當「五指梳」咁摷散頭髮，令暖水浸入頭皮。
4. 將適量洗頭水輕搓成泡，然後塗於頭髮上，用指頭均勻咁分散整個頭。
5. 此時可順便做埋頭皮按摩：用指頭（非指甲）放於頭頂正中兩旁，用陰力作小幅度打轉及按壓約1分鐘。
6. 若果覺得按摩唔夠喉，可以再將雙手放於耳朵及後枕兩側，用同樣方式按摩1分鐘。
7. 按摩完後，用暖水沖淨的洗頭水，然後再將護髮素輕塗於髮尾部分（不用塗於頭頂及頭皮層），最後用水略作沖洗就搞掂晒。
洗髮禁忌
1. 頭髮係油性的人唔好用熱水洗頭，咁樣唔單至唔會減少頭髮上油膩感，仲會刺激油脂分泌，同埋會灼傷頭髮。
2. 切忌用指甲抓頭皮，咁樣好容易會抓損頭皮，嚴重會令頭皮發炎！
3. 切忌將洗頭水直接咁倒上頭皮，刺激到頭髮甩晒就唔好啦！
4. 洗頭時要將洗頭水徹底沖乾淨，如果唔係會塞住毛孔！
5. 最好少用二合一洗頭水，因佢地有很多化學成份，會令髮質受損。
6. 最好唔好係夜晚洗頭，因為若果頭髮未乾就去訓覺，第二朝或年老時會頭痛！
唔好以為梳頭髮求其就得，其實佢係一種學問，亦都係護理頭髮最基本要素，因為梳頭髮除了可以梳走頭髮上的塵垢外，亦都可以增加頭皮血液循環，咁就唔使驚第時老o左變光頭仔或者光頭妹啦！
正確梳頭方法
1. 首先，當你的手指係「五指梳」，從兩側至後腦髮根開始由內向外梳至髮尾。
2. 之後用齒梳梳髮尾兩三吋既部分，以處理打結的髮尾，再從耳朵位置向下梳順頭髮。
3. 最後用較密集的梳從頭頂梳至髮尾，若想增加層次感，可將兩側頭髮向後刷數次。
4. 要速進頭皮血液循環，宜每天梳頭髮約5次，每次梳兩分鐘，每分鐘梳50次。
梳頭禁忌
1. 千祈唔好一開始就用把梳由頭頂髮根梳到髮尾，因為咁樣好易令到頭髮折斷。
2. 梳頭時遇到頭髮打結，千祈唔好用暴力繼續梳落去，而應該先將梳抽出，然後用手指將髮結解開。
唔好用梳齒末端當作抓頭痕的工具，因為咁樣會令頭皮受損嚴重更會引起頭皮發炎。
|
