琴晚冇訓過XDD
打機打通頂...
好耐冇試過喇∼

直到朝早6點，田雞打尼話出去打波∼
咁就換衫出左去，去到Long Ping，
本身我應該打比2小姐嗌佢落尼既..
不過,因為琴晚佢實在ok夜訓，
我邊捨得嘈醒佢丫...都係等佢訓多陣啦，
1陣練完波先打比佢,嗌佢落尼食早餐吧啦..

開始練既時侯,都OK既進度...
突然間田雞話頭暈暈地喔,好熱喔,眼花喔之類之類...
我同佢講.嗌佢唔好急,慢慢尼,行幾個圈,然後慢跑,
慢慢等個身體機能warm-up返上尼，
佢又唔聽話,又急..時快時慢D節奏..
加上warm唔夠1陣,佢又話累,又話暈..
跟住就『坐低』....= ="緊係暈啦!!

之後同佢講,佢唔夠決心..
『你決心唔夠,我都話左我朝早打波好狠架啦..
係練波尼架我朝早打既話,只有夜晚先會打休閒波，
你緊係諗住打休閒波,個body同個heart唔match，
個人既進度跟唔切,所以受唔到跟住又暈又眼花啦∼』
『知唔知點解我咁有心練波!?』
『因為小魚嘛∼』
『錯喇！係因為我心入面有敵人！
只要你心入面有1個敵人比你作為挑戰既目標，
要以超越佢,打羸佢為目標，你就會有咁強既意志去練，
我有咁無限既意志係因為，我根本唔知對手有幾強，
我只要1見到自己失波,1射唔入就覺得佢勁過我，
所以先會不斷練，因為覺得即使失1球,都會比唔上佢，
加上，惡劣既環境同埋愈練愈累既原因，迫使自己要有強勁既決心，
係最短既時間之後集中最強既意志去練完每日既進度！！』

卒之我辛辛苦苦練完我今日應要既進度，
跟住就坐埋1邊打比2小姐嗌佢落尼食早餐啦，
到田雞練，其實,都OK丫佢既基本功，
佢做咩咁唔信自己呢...
到佢練完之後，我同2小姐就送左佢去搭車，
然後我就同2小姐上左McDonalds食早餐．
由於佢話1個人朝早唔想食咁多野，所以只係買左1個meal

但係咁樣，反而令我覺得更有1種開心既感覺，
係1絕非筆墨所能形容既心情...
同佢食完野之後，係Long Ping行左1陣，
就送左2小姐返去=]

返屋企同阿媽再食野，之後同田雞落左女人街買謝師宴果日既衫
係果度行左５轉....
來回,來回,來回,來回,來回...
行到腳都軟埋=D

6點左右返到屋企諗住恰1恰啦...
過1陣起身食飯啦，點知2小姐係我1撻低就打尼...
話嗌我過去食飯，就咁...
我又起身，出左去..

好多字..""我放棄