今日訓訓訓..
訓到11幾同阿媽落左去飲茶，
好鬼多人今日..
飲茶食野係度傾計..
講今日什麼回歸慶典...
無聊..回歸回歸..回歸!?
係上面班茂利先慶祝回歸架姐~
『香港人』∼你地得到過D咩丫??
係上面班蛋散話我地同Hong Kong緊密連繫喇，
可以帶埋D叔伯兄弟去HK搵食喇,
有樓住喇...
你老闆..你班屎忽鬼拎住本雙程證,mun住個港式中坑就帶住8分鄉音,2分唔鹹唔淡既大陸Lay口音講1句
「鵝地hi胸港人!」,返鄉下執牛屎啦!!聽到都作嘔∼
Hong Kong回歸左喇,你仲『胸港人』!?什麼什麼《反搧動國家乜乜乜組織罪》,把都有得你打

傾傾下,突然間電話響啵..
望望..係2小姐..
佢唔係話訓多陣先架咩=]??
咁快起身既??
聽電話先,佢就話『救命喔..我跌左落水喔XX文,你快D救我喔??』
我都未出聲,阿媽就已經知道左係2小姐 :「個傻妹...」
我up up頭然後問佢係咪落左街=]
妳落街!?咁大膽???哈哈..邊個批准妳落街=]
哈哈...

返到屋企之後,hea左1陣，
就出左元朗..
去左千色附近問價..
搵車,問車..
搵『[Ｏ]』

搞左1陣,就Join返2小姐同佢地行左陣，
將琴晚應承今日要送到佢手,輾轉左咁耐..
終於可以送到佢手既「隨身物」送比佢..
就陪佢返工嚕..
唔知做咩事..今日2小姐真係好殘..
冇聲冇氣..連個樣都冇尼神氣..
我其實都明白點解既，
但係,佢唔聽我講,唔聽我話，
我都冇計..
臨去到工司門口，都問佢1句『妳放工我出尼接妳啦,好嘛?』

到我返到屋企食完飯...
雖然頭先問佢,我出去接佢佢話唔駛,話返完工自然會醒D..
不過,我始終都係唔放心..
都係出去等佢...
雖然,佢真係比起返工之前好左D..
但係,認真係1樣咁唔掂..
陪佢去買完野食之後,坐左係鐘聲睇波..
她喜歡這男孩子的玩意..這,大概是我的運氣..
察覺鐘聲D人打波真係好勁..
除左射波準繩度比較差之後,其他野係元朗天水圍真係冇1個場可以比得上..
什至乎佢地射波既動作,都係標準既手勢...

等到2小姐食完佢手上既小食之後，
就陪佢慢慢行返去,係呢段路上..
1路都勸住佢今晚唔好太夜訓，
野性...貪玩...係佢既天性，
佢點會甘於早訓..

返到屋企同2小姐傾住電話..
佢不斷咁係度發呆..
但係偏偏唔肯去訓，
到佢話去梳洗準備訓教既時侯..
我浮現出1股意念,我應該係呢1刻同佢講..
應該要講既野..
岩!!難得今日,打造左1個咁好既氣氛..
今日絕對唔應該有藉口比自己逃避!!說實話..我有逃避過嗎!?
當我準備好同佢講既時侯...
偏偏...
電話響起1種特別既聲音...
示意,佢今日為我效勞左106分鐘..想要陪同2小姐1齊休息..
當2小姐返尼既時侯,聽到我電話響起呢1個電話發出既抗議聲..
都只好草草講1聲「晚安」，然後收線...

望住係唔適當既時侯,發出唔適當既聲音既電話..
我只係不停問自己...
這到底是什麼意思??是我不該說,還是不能說??
我不服..怎麼每次都這這樣...
到最好的時刻..偏偏遇著不同的意外

看著出賣我的電話,我只有忿恨和悲哀,,