今日..係嘉琳生日會既日子..
不過,我最後都係冇出席到∼
但係,我並冇因此而覺得可惜，因為我既呢1日過得比我去更開心=]

朝早起身,同媽媽飲茶..
搞到都成2點幾∼
打左幾次比老婆嗌佢起身,隻傻豬..
硬係中意賴下床..=]

返到屋企1陣,老婆就打尼話佢起身∼
於是就換衫出去同老婆食野啦！
係呢個時刻,電話係咁響..
K.K打尼話我知約左3點係元廣等，
我話,我要去既話都會遲,嗌佢地唔駛等埋我
然後又到阿匙啵..
阿匙打尼有點兒模模糊糊的..
似乎係想搵人1齊去吧..
不過,我都唔知自己幾點去同去唔去，都係唔好應承佢@@

落到Long Ping搵左老婆之後,去左勝記食2:30pm既早餐:P
之後幫叔叔買野返去先,跟住就同老婆兩個1齊返去嚕..

係屋企,老婆大懶豬..
本身話睇小櫻,點知1尼到就爬左上床訓教..
之後佢嗌我陪佢訓,呢個Moment
佩儀姐同老婆係度send sms傾去唔去嘉琳度..
到佢到左之後,話Kyo走左,老婆即刻話...唔去嚕！！
因為,Kyo同老婆1樣,果度D人1個都唔識..
唔似欣B係佢地圍內人,去左..1個都唔識,好冷架嘛!!

老婆同我講:「耶..訓唔著喔!!」
我問老婆:「做咩事喔?？」
老婆:「你估下!!!?」
我靜左落尼,攬住佢諗住唔理嚕,訓訓啦
過左1陣之後..
我開始明白老婆講既野咩意思..
我就同老婆講:「老婆..我都訓唔著啵..點算?？」
我再話:「我嬲喔,平時妳係屋企,咁多人陪妳,咁多人望住妳妳都訓到...
係而家有1個張俊文妳就訓唔到..妳係屋企又豆B,又大Pooh又細Pooh,又有Sally同阿Jack都訓到..」
老婆擰轉面過尼話:「就係因為有1個張俊文係度所以訓唔到囉！」

跟住老婆話:「咁點算好喔?？」
我就答佢:「咁我望住妳唔訓,妳訓啦..」
佢話:「唔得喔,我會訓唔著..」
我再話:「咁喔??咁我地1齊訓,Sally望住丫?」
老婆話:「咦∼∼唔得!!」
我就問:「咁點算喔!?」
老婆:「咁?？我望住你..你訓丫=]
我想睇妳訓教個傻樣..」
我就即刻訓了..「哦,好喔」:P
過左1陣,老婆問我..「老公,你好累喔??」
我已經開始慢慢訓得入了..
可能,係因為我感覺到佢既存在..
感覺好寧靜,好幸福,好溫暖同好安全...

苦左咁耐,有老婆呢幾分鐘比我依賴下..
感覺,好左好多了..
終於可以放鬆落尼...

過左陣,係度同老婆玩..
比佢發現左原來我都有既弱點..-v-"
不斷咁整我,搏鬥左陣同老婆..
佢問我:「老公喔..」
我知道佢想講正經野,所以就停左落尼:「嗯?」
佢好正經咁問:「你以前有冇比人咁樣整過你背隻架?？」
我冇答佢任何野...
只係係度回憶返以前..
記得上過我張床既唯1另1個人...倩怡
雖然,佢有係同1位置出現過..
但係,就真係冇整過我..
老婆見我冇出聲,就話:「即係有啦..你唔答我..」
我先至慢慢開聲話:「冇喔..傻瓜!」
佢突然間擰返轉面向牆訓教..
我知道佢係唔開心..
我就問佢:「妳唔信我喔..??老婆」
氹左佢1陣,佢先肯擰返轉頭過尼..

佢慢慢擰返過尼..
聲線變左咁同我講:「你唔好唔要我喔...」
見佢眼角有粒淚珠,就幫佢抹左去:「嗯!我唔會喔..」
老婆重覆佢既說話..「你真係唔好唔要我喔..」
我就問佢:「咁耐以尼?我有呃過妳咩??傻!」
佢諗左陣之後擰擰頭..
我就話:「咪係囉∼咁妳做咩唔信我?？」
佢冇出聲,我就話:「即使以前果D,係點樣都好..
我而家淨係想妳信我1次,信我今次就夠喇!!」
睇見佢慢慢收返眼淚,點頭既1刻..
心入面真係洋溢住1種無法形容既幸福同快樂

之後,老婆話要去wash room..
我真係唔捨得放佢走..
即使只係短短1,2mins既時間！
禁住佢係度..傻眼咁望住佢只係識得..
佢話:「好喇你!!你再唔放我去我除你件衫架∼」
我話:「好喔..妳除我1件,我除返妳1件..」
老婆見我狀似講笑,就附諸實行咁話:「你試下!!」
我真係比佢除左上身..不過,我冇還手..
佢問我:「做咩喔..??」
我擰擰頭話佢知冇野,佢就話:「我賴喇~~乖啦,我好快返..」
先捨得放佢走..

(好累..唔打喇-_________-||
去訓教)