放學之後,見到華傳上左尼課室..
喔！原來佢就係監我地課室既口試監考老師..
順便問下佢,我去邊度考先..因為聽聞今朝果張係錯版∼

我問「華傳,我去邊度考喔??幾點鐘??」
華傳答「今朝咪比左張你地囉~」
我答「今朝果張唔係錯架咩??我睇果張尼架啵!!冇改到咩??」
華傳就話「岩架喇岩架喇,散場散場散場~」
我「喔.....」

落到地下,擾攘左1輪之後,阿神問家健拎到排波XD
有波打..打住等考試啦=]
打到成搭4,Hall先開門..
我走過去,問Miss Lai「12組係..??」
Miss Lai「12組呀!?係406架啵!!你快D上去喇要..」
我答「下!?哦...!!」跟住就走左上去..

上到去,敲門入課室,華傳眼啤啤咁問我「你去左邊喔？」
我「去錯左試場囉∼」
華傳用質疑既態度問「去錯試場你而家先識返尼!?」
條你！我呃你托春咩！
我答佢「我考搭11果批,錯果張寫我係Hall考,Hall搭4先考完第1批
我就緊係搭4先問到Miss,先知要上尼架啦！」
華傳「我唔理喇,我當左你唔考,落左0分架喇..」
我「哦...」走左...

你玩晒啦...
屎忽！

落返去打波...
好似做執波咁...
9個人打波...
個波打尼打去都係果4,5個人度..
阿Gip,文浩,弱智,翠兒,肥斌..
我企邊位,我既存在好似為左幫佢地執波咁...
最後企到忟忟地...唔打！
去左射下籃波...恰下細路...

之後走,雖然同大家1齊走..
不過1句野都冇講過...
因為當時間心入面真係好唔舒服..
1來,比華傳老屈..
PK...你同我講我就信你架啦！老味..
你昆鳩完我,然後質疑我!?你冇食錯過期春藥食上腦嘛?!
今次真係到你喇『玩麼！？』,唔夠激！『玩撚麼！？』
2來,落到去想打波發洩下..
點知落到去,連做陪襯都不如..
只係做場務負責執頭執尾執波仔架咋∼！

跟住最後企到發脾氣..
走左去打籃波恰細路..
打到5點半..比人趕嚕...
同佢地走1齊走..
但係1句野都冇講過,果刻覺得
「阿神同弱智,可以因為佢地既關係所以好快就冇左回事..
但係係燒到上心口,諗住發洩下既我,冇辦法當冇事啵∼！」
所以,1路1個人靜靜咁行,反正我有我既野要諗要度...