|
又有幾日冇寫日記喇∼成日都唔記得寫．．．
等我講返呢幾日發生既野喇．．．
２７號∼
放學同左荳付∼呂永同埋牙英去ａｐｍ個公園影
相∼諗住為自己個相簿添加多ｄ色彩∼哈∼係去
既途中∼牙英係度扭計喎．．．唉∼成日都係咁
．．．不過都覺得對唔住佢架∼逼佢黎點知咩都
冇做過佢就要走喇∼牙英走左之後∼我地又入返
個公園影相．．．哈∼成日影相都好似做賊咁∼
一見到有人就即刻唔影∼跟住影影下就慣左ｌｕ
∼就算見到有人都會繼續影∼影影下就有３個男
仔入左黎啦∼咁我地就緊係唔理佢啦∼繼續影繼
續影∼點知影影下果３個男仔既代表走過黎同我
地講∼我有個ｆｄ好似有你地呢套校服架∼你地
咩學校架∼咁我地就好乖咁答佢啦∼咁佢又問∼
你地寧波公定寧波２架∼咁我地又再次好乖咁答
佢啦∼跟住佢就過返佢ｄ ｆｄ度喇∼過左一陣
．．．個代表又走過黎．．．問我地知唔知寧波
２既校服係點喎．．．咁荳付就話唔知啦∼跟住
佢又走返過去喇∼其實係知架∼ｋａ∼又過左一
陣∼個代表又走過黎喎．．．（真是的＝．＝）
問我地有冇ｉｃｑ牙∼ｍｓｎ牙∼電話牙∼果ｄ
喎∼有都唔俾你啦∼經過佢再三請求下．．．荳
付終於屈服左喇．．．荳付終於張個假既ｉｃｑ
俾左佢喇！！！哈∼荳付真係叻女∼又過多一陣
∼竟然俾我地睇到樣野∼原來佢地係度玩緊∼
包！剪！鎚！唉∼應該係猜輸左要過黎
問我地野喇．．．跟住個代表同埋另一個男仔
走過黎（終於有多個人喇）∼問我地ｆ幾喎∼
＝．＝咁我地就好乖咁同佢講ｆ．１啦∼跟住
問返佢地∼佢地竟然答我地小六喎∼唉∼∼原
本諗住等到佢地走我地先走架ｍａ∼點知佢地
死都唔走喎∼好！！你地唔走我地走∼哈∼咁
我地就走左喇∼
|
