今日，我無返學呀...有少少唔舒服..... 唉~~呢排發生太多事啦...搞到我好唔開心呀... 上個星期日，我細佬去左返工，發生 d 事呀... 星期日佢好夜都未放工呀...半夜3點都未返屋企.. 平時佢最夜都係2點幾就會返到屋企 ge 啦... 屋企人不停打電話比佢，但係佢電話關左機呀... 個一即，全屋企人都好擔心...心諗無理由電話打唔到.. 搞到我地開晒燈，個個都唔訓，坐係度等... 唉~~個晚係我第一次咁擔心細佬架...第一次擔心到手震... 到左3點幾..佢返黎啦!!我見佢全身濕晒呀...我就知佢有事... 佢返到黎，見到我地個個都坐係到...我地就問佢咩事咁夜返.. 點知...佢第一句同我地講唔見左部 w800i 電話呀... 個一即，搞到我心情極度低落....嗚....嗚.... 之後，我問佢有無報警，佢話有...個個都守埋身.. 唉~~部電話係我細佬好辛苦買返黎架... 呢排我細佬心情都極度低落呀...我見佢悶悶不樂!! 唉~~我都明白佢心情 ge ，部電話係佢平時唔食lunch....用個 d 錢買架.. 呢排發生 d 唔開心 ge 事，好似一浪接一浪咁黎.... 我細佬第一日返工唔見錢，上個星期日又唔見電話...仲要係w800i....嗚嗚 唉~~好煩呀...我同細佬大家都就黎支持唔住啦!! 唉~~本來我今日唔返學諗住自己去差館幫細佬報失架..... 因為，我知道我細佬部電話個個機號碼，每一個電話只有一個機號碼架... 但係我細佬話唔見左就算啦...叫我唔好搞大件事呀... 如果，我去報失的話，就算機會搵返唔大，但係都有一半一半希望.... 可惜，我細佬話算....唉~~我細佬咁講可能有佢 ge 原因啦....