還有 11 天返學

今日，無同 Lisa 一 齊返學呀!!因為今日我要去某某人屋企比 d 野佢...^.^

某某人同我講需要我部電話裡面 ge 軟件....

之後我地就交換電話半日，放學之後要去令返...

去完某某人屋企...我就立即返學啦!!

早上班主任節發生左一件令大家好唔開心 ge 事呀!!

某兩位同學仔...唔知點解無啦啦比班主任發現左搞電話...

之後，班主任叫佢地交出黎...佢地都唔交...

跟住...班主任無啦啦叫我去叫訓導上黎...=.=

我當然唔想去啦!!點解...因為叫左訓導上黎一定全班搜書包的..同埋我自己身上都有電話. =.=

之後，我無叫到呀!!跟住，班主任再叫男班長去叫，當然男班長都無叫到啦!!

妖...無啦啦走廊有位同學係到，之後..班主任叫左果位同學去叫訓導上黎...

好快...訓導就上左黎啦!!嘩...嚇到我隻手不停出汗，腳仔都軟埋...=.=

好彩兩位同學仔最終都交左電話出黎 ... @口@

最後，安全度過...真係一額汗!!不過兩位同學仔就慘 d 啦!!

唉~~今日，真係好對唔住“班主任肥爸爸”我知道我作為一個班長你叫我去叫訓導上黎...

我都唔叫，我諗唔多唔少你都會有少少唔開心 ge 啦!! 兩個班長都唔聽你話... =.=

其實我地兩個班長真係好難做!!不過，我地都知道你亦都好難做...今日，班主任節搞到大家勁唔開心!!

嘻嘻...好快就放學啦!!之後，我就上去某某人屋企換返部電話...

點知...我聽到一個壞消息...就係我部電話比佢一個唔小心整到裡面 d 野全部無晒...

唉~~裡面 d 野全部無晒...唔緊要!!最慘 ge 係開到機..但張 SIN 卡顯示唔到...

嗚嗚....依架部電話要令去整個軟件入去先得呀!!好唔開心囉...唉!!依架好擔心部電話呀!!

搞到我依架要用 k800i ，好唔慣呀!!希望我部 W550i 可以快 d 返黎我身邊啦!!