嘿嘿...好耐都無上黎打日記啦!!

其實...我想日日上黎打日記架...

只不過唔知點解部電腦有時打唔到字呀!!

朋友仔...如果你地見我好耐都無打日記的話...

姐係表示我又打唔到字啦...部電腦...^^

哈哈...今日，又打到啦!!開心 ...感謝主!!

今日，返工返早呀!!返11點半放2點，夜晚唔洗返...

今日，下午要返9龍塘拎美容成績表...

lisa係葵芳等我，跟住，係荔景會合阿豬、阿羅，之後，就一齊過9龍塘啦!!^^

拎完成績表之後，lisa去返工，跟住，我、阿豬、阿羅、去左又一城食野...

之後，我地再落葵芳行左一陣，阿羅就返工啦!!

跟住我同阿豬行到6點幾...就返屋企啦!!

嘿嘿...好耐都無打日記啦!!因為部電腦之前打唔到字，所以好耐都無打日記...

不過，今日...好奇怪!!係大陸返黎，無啦啦部電腦打到字啦!!哈哈...好開心呀...感謝主!!

今日，岩岩係大陸返黎，本來唔洗返工架!!

點知...下午，收到一個電話，公司唔夠人手，叫我晚上返工...^^

下午，出左去同“阿羅”“甩燕”食野，之後，行左一陣返工...

今晚返工，真係唔知嚇死定笑死呀...^^

有個客叫我令張BB椅比佢，我咪去令囉...

點知...無啦啦有一隻大老鼠係張BB椅到，仲要係死左 ge 大老鼠，嚇到我差d傻左呀...陰公!!^^

第2次係餐廳見到老鼠啦!!搞到我依架好驚驚呀...

哈哈...經理見我比隻老鼠嚇到傻左之後...佢就話下次搵d野...練大我個膽...^^

放左工之後，同“阿羅”去左《一炮而紅》食飯^^