遲咗同大家講merry christmas!!
今個聖誕節都係係旅行中度過..仲諗住..係澳門過tim..
12月22日
番鄉下過冬至,大家一齊食飯
.................................................................
12月23日
去咗佛山
係表姐屋企先,同表侄玩
好彩表姐屋企有得上網,如果唔係就悶死la~~
...................................................................................
12月24日
終於出發la~~
同表姐,表姐夫,表侄,姨媽,阿妹一齊坐車,表姐夫渣車
由朝早8:00坐到下就4:00
途中去咗幾次洗手間,不過冇食飯
就咁食包...坐咗成8,9個鍾頭....
坐到我都唔覺得坐車係攰...
 
(坐到表侄都要訓係到,飲水)
過咗廣東,到廣西唔同之處係好多山..
仲要係高戈隻..突然感覺到澳門ge山..跟本唔係山..
到咗陽朔ge西街(ps:陽朔最繁榮ge一條街)
就去租酒店
(入面幾靚,有得上網)
戈到有好多酒店,都係的的色色
細細間,有少少外國風味,因為戈度有好多外國人
去食咗冇啤酒味ge啤酒魚...飲咗玉米汁...
夜晚..條西街都幾有氣氛,有人係度唱聖誕歌..
d酒吧都幾靚ge~~~~~~~~~
係陽朔過咗一個平平安安快快樂樂ge平安夜
..................................................................................
12月25日
游漓江,去黃姚
撘住一隻..類似木船ge小船
 
見到d山..戈個渣船ge人兄同我哋講解
又話衣座山似龜,又話戈座似書僮上山
但係..我好無奈..可能因為冇乜想像力
乜以前d人咁好想像力架!!之後上對面岸食野,
d烤魚,同烤蝦超好食!!食咗好多串..d魚好細條,好脆架
下就...去黃姚
黃姚..未開發哂ge旅遊區好少旅行團會去....渣車...渣3,4個鍾
但係我哋去錯咗地方..所以成7點幾先到..戈度係4面山,好似盆地咁
所以渣車入去要行山路,雖然條路係幾直,幾平但係夜晚ge時候都幾刺激
(ps:6:00鍾成個天黑哂,個衛星導航冇信號,成條路冇車,冇燈)
到咗,放心哂,因為出咗山路,終於有屋有燈
有人間煙火la~~
去搵地方落腳..但係入到去個鎮到冇一間起眼ge旅館
當地人話去黃姚大酒店la,戈間係治安最好,全鎮最大ge!!
乜有間咁靚ge酒店咩,番轉頭..見到...戈間大酒店真係靚到唔識形容..想吐血
入到去..我阿妹係咁笑因為實在太......嘔la!!!!!!!!!!!!
個洗手間..燈..超暗
d水係黃色..好想番歸
不過..山區地方係咁上下
真係冇法想像戈d賓館係點樣...
  
..........................................................................................................................................................................................................
12月26日
入古鎮
入去黃姚古鎮,真係古色古香
有好多古老ge屋,同埋井
d水好清藍綠色,風景唔錯
入去戈d古屋...真係唔係好穩陣
因為...上條樓梯係會震架!!!!!!!!!!!!!!!
入面仲有養埋豬tim!!!!
總之就真係好有古代feel la~~~~
仲有,戈度ge路係用石鋪ge
d石超滑,戈日又落雨..所以搞到對鞋超污租
(PS仲要係戈間「大酒店」住多一日)
............................................................................................
12月27日
番去LA
又要坐7,8個鍾番去...
算LA,已經冇乜感覺.......
........................................................................................
12月28日
番歸lor!!
今日番到屋企覺得,好舒服
始終都係屋企最好
........................................................................................
今次ge旅程真係..唔知點形容
不過d風景真係幾靚
山清水秀!
同埋
第一次住咁「靚」ge酒店
(ps:唔應該叫酒店!!!)
...............................................................................
番到泥,好快要番學,d功課掂都未掂過=.=
好想去睇福爾摩斯!!!過幾日去睇先
好似話至到1月4,5號先落畫!!
順帶一提..我冇買手信..因為真係冇乜野買
唔通買包豆豉,菊花番泥咩
所以唔好意思la~~ |
金色一片..
回歸10 lu~