冇打日記幾日啦...

首先我要同大家道歉...

要大家擔心...

對唔住呀...

前幾日都係因為要會考所以冇時間打日記...

咁日終於有少少時就on下啦...

一打開留言好唔開心...

因為我見唔到你既留言...

之後去佐你個blog...

見到你話你整親隻腳...

真係好擔心你呀...

你要快d好返呀...

你可唔可以唔好再令我擔心呀...??

******************************************************************

琴晚表妹黎佐我屋企過夜...

目的係幫我襯衫...

因為我實在太冇taste啦...

成日都亂咁襯衫...

唔該曬表妹...

******************************************************************

另外...

仲有一樣野令我好唔開心...

我另一個表妹,同我好friend嫁...

個晚接佢放工...

先知原來佢成日同埋一班我覺得唔係好好既人一齊...

可能係因為我個人太蠢,未見過大場面啦...

所以好睇唔順佢地,唔係好鐘意表妹群埋佢地度...

不過我知佢自己一定覺得冇咩問題...

因為e+黎個時候d年青人都係咁...

仲有,至從佢拍拖之後我就覺得同佢好似有佐一段距離...

個日聽佢講完佢同佢男朋友之間既事之後...

我好驚...

我唔希望佢好似我一個friend咁...

希望佢明白我有幾擔心佢啦...

P.S.

仲諗住咁日係星期日可以同你傾計...

但係都唔見你on...

好失望...

唉...!!!

我真係覺得自己好失敗...

做人都冇用...

讀書又唔識讀...

個腦又蠢過人...

成日都比d所謂既朋友利用...

個樣又生得樣衰過人...

唉...

生存都無意義...

死佐去算啦...

咁次既會考1分都唔知有無...

又要衰比人睇啦...

落曬爹地媽咪既面啦...

一d都唔爭氣...

Kathy呀Kathy你e+係度做咩呀...

溫書又溫唔入腦...

曬埋爹地媽咪掙返黎錢啦...

你同敗家仔有咩分別呀...

唔死都冇用啦...

(真係好想自殺)

P.S.

好想晚晚都同你傾計...

同你傾計真係好開心...!!

做野做得累就要早d訓啦...

(琴晚12點半我見到你仲上緊qooza,留佐言比你,叫佐你online..不過我諗你都係睇唔到嫁啦...)

咁日既PHY好難呀...

預佐唔合格嫁啦...

23號就係電腦啦...

********************************************************

咁日仲去佐朗豪坊買生日禮物比媽咪...

咁樣一 set $350咋...

真係好底呀...

有用開既都快d去買啦...

優惠期過佐就無嫁啦...

(晚霜,防曬,眼霜,精華素)

跟住又去佐『無印』...買佐幾樣零食...

勁似棉花既棉花糖...

入口即熔...

完全無feel....

唔知自己食緊咩...哈哈

唔記得佐黎個叫咩名...

好似叫牛奶蛋糕...

未試唔知咩味...

不過應該唔會好難食既...

黎隻都係棉花糖...

不過係有夾心既...

e+係係表妹屋企...嘻嘻

聽日就會返屋企...

聽日就第一科會考啦...

PHY...

我最唔掂既一科...

唔知點算好...

唔知咁晚會唔會驚到訓唔著...

希望各位會考生可以順利完成考試...

拎到自己理想既成績...

P.S.

咁日好唔開心呀...

咁朝10點就出門去買"送"...

因為咁晚我親自下廚煮飯同整"送"...

咁日細佬唔返黎食...

得我,爹地同媽咪...

所以唔洗整咁多"送"...

整佐三"送"一湯...

有一個係失敗之作...

不過媽咪都話唔緊要...

都係食得既唔好浪費...

第一味:『香乳蒸雞』

香乳借係腐乳...

雞就用雞肉,滑d...

媽咪話d冬菇應該切條...(下次一定記得)

第二味:『炸豆腐』<---失敗之作...

岩岩落鍋既時候已經feel到唔係好掂~!

點知煎煎下...

真係好唔掂...

心諗黎次實比媽咪鬧啦...

我:"媽咪...失敗佐啦...!!"

媽:"咩失敗佐呀...睇過...!!"

望一望...

媽:"唔緊要啦...慢慢煎,熟既就食得...!!"

我:"但係咁難睇...等陣下死爹地啦...!!"

媽:"唔會既...!!"

最後都係上佐台...

你地睇下係米好難睇...好失敗...??

睇到都唔開胃...

不過食落都唔係好"農"...

爹地都話無問題...嘻嘻!!

原本有5件..最後食剩3件....

最後一味係~『西芹炒魚片』...

爹地同媽咪都話黎個最好味...

跟住就係湯啦...

『冬瓜蛋花湯』...

黎個之前都整過...

所以難唔到我...

下次要整餐豐富d既...