到左朝早，我好出奇咁醒左幾次，不過都係想繼續𤍣，所以冇起到身，之後聽到阿亭個電話振，就知道７點３喇，要起身，但我都係繼續𤍣，之後阿亭再嗌我先起，一起身就包雲吞喇！橙呀＞﹏＜之後洗左個頭，之後就等刷牙，因為得班中六既姐姐有牙膏，我地成班好玩得既女仔都冇．．．刷完之後就坐左陣就去食早餐，好正呀！有通粉食，又有腸仔同火捤，仲有雞蛋呀！好好味，不過我冇食到雞蛋，唔想食，食飽又要換衫玩高牆。
呢個高牆真係好高架，有１４尺高架！我地要４０幾個人上哂去，真係一件難事，我地聽完阿ｓｉｒ講解完就用左３０分鐘去傾，然後我地就開始上去ｌｕ，第一個同埋最尾果２個係最難上架，而第一個就係中６既ｒｙａｎ，佢好快就上到去，真係好勁呀！之後就上幾個男仔，然後就上女仔ｌｕ，我差唔多係最後一個女仔上，好好玩呀，好快就上完，係咪因為我輕既關係呢？哈哈∼但係上完之後大脾果到就有ｄ痛＞﹏＜然後就繼續做保護，隻手好玪呀！到左最後，阿龍同ｍｏｎｋｅｙ好勁呀！兩個都好用力去完成！好地好快咁就完成左喇，好開心∼ｈａｐｐｙ＊
玩完之後就返房換衫衫之後就去傾返ｄ野啦，我果組ｄ人都唔係好留心，我係其中一個，人地講完野，我都唔知佢講乜！傾完之後我地就要返去執好ｄ野就去食飯喇，冇時間食呀！我未食完就要走喇＞﹏＜嗚．．．我仲未飽架！！之後就上車返屋企ｌｕ∼係架車上面一路聽ｍｐ３一路𤍣，去到葵芳就落車返屋企，返到去就執好ｄ野，然後就上下網，打日記，到左６點就𤍣ｌｕ∼Ｚｚｚｚｚｚｚｚｚ
|
