心情指數：＊＊＊＊＊
今日１０點幾就起左身ｌｕ，刷完牙洗完頭，頭都未吹就聽左個電話，原來係豬頭黎，佢叫我出去∼咁我傾左陣之後就我就換衫，吹頭，整呢樣果樣就落去搵去啦，之後就同佢一齊過青衣睇男子乙組手球比賽，我果間對ｋｃｍ，都ｏｋ好睇既∼我果間最後都輸左．．．ｋｃｍ都幾勁既∼插插都好叻呀，入左幾球！勁呀∼
睇完之後就同豬頭去左荃灣食野啦，好飽呀！食完豬頭就陪我就返左屋企拎野再返亞斯理，返到去見到仲未開始ｗｏ，咁就傾多陣電話，之後先入返去ｈａｌｌ，入到去就同ｋ明傾計，傾左好多野，之後到左５點就落左去球場，落到去好悶就係到唱歌，之後志文上去拎排球落黎，個波岩岩泵完氣，好硬，打到好痛，之後我地又係到射１２碼，好好玩，不過我次次射都唔入既＞﹏＜
玩完之後就上返去亞斯理參加崇拜啦，今日ｄ歌好好聽呀！完左之後就去左小巴黎食野，之後就去打保齡球ｌｕ∼好耐冇打過喇，唔知會有幾多分呢？去到之後我地個個拎哂ｄ學生證出黎，之後就去比錢玩啦，我今次打到１個全中＆２個補中呀！勁哩∼之不過打到咁都係得７３分咋，係等碌果陣我地玩埋ｄ白痴野，笑到我丫∼最好笑係ｊｊ，我笑到肚都痛，面都緊埋，哈哈∼好白痴呀！碌完之後就返屋企ｌｕ∼又傾左２句電話，返到屋企就沖涼，刷牙，打完日記就𤍣覺豬ｌｕ∼早抖喇！Ｚｚｚｚｚｚｚｚｚ
|
