今日９點就起左身喇，９點半就出門口去葵芳睇戲，去到淨係見到琛仔，咁我就企左係錄柱隔離啦，琛仔就係到周圍走，成隻長頭鹿咁係到等人，等齊左人就去買飛啦，買完行左陣就入去ｌｕ，神奇４俠又真係幾好睇喎，個霹靂火好靚仔呀，個隱形女俠又靚喎，希望有續集啦∼睇完之後就同傻恐龍，琛仔同小茵去美心食飯啦，食唔哂＝．＝食完之後琛仔同小茵就走ｌｕ，咁我同恐龍就行下街啦，行到２點我地就搭車去大窩口買蛋糕啦，買完就一齊返亞ｃ理啦∼
返到去就傾下計，咁團契就開始ｌｕ∼首先就希猩猩做主席，報告完就有組會，今日玩ｄ野都幾好呀，個個都有得玩，又唔係悶，玩完又有蛋糕食，今次我好叻呀，我食芒果蛋糕呀，我以前都唔食既∼不過今次我食左一件呀！ｈｅｈｅ∼開完組就上返去３，４吮課室同人傾下計，彈下琴咁啦，到左６點就過左去ｈａｌｌ，之後６點３就入去ｈａｌｌ到崇拜ｌｕ∼完左之後就返屋企啦，食完野沖埋涼就睇電視，打下電腦，傾下電話，到左１２點幾就𤍣ｌｕ∼
|
