終於考完試喇∼ＨａＰＰｙ＊
今日返學校考埋科普通話就放學喇，真係冇鬼聊！考完之後出ｈａｌ∼嘩！！！好大雨呀！好多人都走唔到，咁我地一班中三既團契職員同ｄ想做職員既就上左宗教室畫豬送比嚴豬母啦∼畫哂之後就開會講下年團契ｄ野，班中４又走，得返我地一班中３做大，咁我地就又傾又食野咁啦，傾到１點先走∼
返到屋企就打機啦∼阿哥終於解鎖喇！！！ｙｅａｈ∼＊我打機就打到食晚飯，食完之後阿哥叫我洗碗，彩佢都傻，今日又唔係放假，做咩要洗呀！跟住我就繼續玩電腦啦∼玩到８點３就換衫去打波ｌｕ∼個埸好癬呀！我都癬左次，不過癬唔死，不過文傑，楊宇，猩猩，城城同ｋ明＆ｃａｒｍａｎ就冇咁好彩喇，哈哈∼同人掙波既時候比人整損左塊面，毀容喇！我地打到差唔多走果陣落雨喇，ｄ人開始痴線喇，係咁唅水噴人，我比人噴到個頭濕哂呀！慘，都唔知有冇菌架∼ｋｉｔｔｙ仲慘，比人整到濕哂∼
返到屋企我就用消毒藥水整下塊面啦∼好痛呀！之後等家姐沖完涼出黎到我沖，成身都濕濕地好唔舒服，沖完涼出黎舒服哂，吹埋個頭打多陣機就𤍣ｌｕ∼Ｚｚｚｚｚｚｚｚ
今日真係好開心呀，試又考完，又有得打波，雖然整損左塊面，但都值得呀，唔知下次幾時又有得打呢？ｈｅｈｅ∼
|
