今日放左學之後去左Ｐａｕｌ Ｓｉｒ屋企呀！佢個ＢＢ女好得意呀！愛死佢＞３＜
今日冇數學堂唔洗帶本數學書∼好野＊淨係帶左中文同地理！哎呀呀！今日第一堂就係中文，仲要打孖上，好眼訓呀！好辛苦咁挨到小息，落去ＢｏＢｏ到訂飯，訂完之後傾到陣就上返去上地理堂，又講工業奇蹟．．．．一個字悶！之後仲慘上中史堂，唔記得有人黎睇堂，冇帶書．．．之後就問黎兆倫借本作業黎當住書扮野∼真係叻女！上哩堂真係辛苦，又想訓，但有人睇住，真係救命！！！到左小息就坐左係到，冇幾耐星星走過黎話同我玩吱喳，哩排我隻手都唔知做咩，成日玩玩下出左隻中指出黎．．．．我冇心架！到左英文堂，ｍｉｓｓ ｃｈａｎ冇返呀，好野∼＊兩堂都係到玩，仲比我發現到原來貴蕉怕吱架！！哈哈∼好搞笑∼哇卡卡！！！
到左ｌｕｎｃｈ去到宗教堂食飯，食完就落去Ｇ５開組，點知得阿怡一個，咁就走左去音樂室婉琪果到彈琴，彈左陣又返返詔去，仲係得佢一個，咁我地就係到等，過左陣Ｅｍｉｌｙ就返左黎喇，佢見到冇人就上去搵人，然後就成喳人落黎，咁我地就盟始喇，今日我地係到玩ｋｉｌｌｅｒ，好好玩，我死左都冇人救呀！陰公．．．玩完之後我地就唱生日歌比Ｔｒａｃｙ聽，今日係佢既生日∼生日快樂呀！唱完就執返好個埸就上返去課室！
Ａｃｔ堂我果台好似冇人做過野咁！咁我地２堂就係到傾計，起犒，一打鐘就執好哂野啦，點知比ｍｉｓｓ話我地現實＝．＝之後就走啦，去左學校門口等齊人就去ｐａｕｌ ｓｉｒ屋企玩ｂｂ，去之前我地就去買野上去，費事兩梳蕉咁上去啦∼上到去個ｂｂ真係好得意呀！班男仔好似發女瘟咁，係咁爭住抱ｂｂ，又係咁搵部手提影ｂｂ，痴線架！我地係ｐａｕｌ ｓｉｒ屋企食左好多野，但ｄ野都係我地買上去＝．＝到左６點幾走ｌｕ∼我地成班落去葵芳，佢地仲未食飽＝．＝要去ｋｆｃ食．．．我已經飽死咁濟喇！食完之後坐係到傾計吹水，吹到８點幾走，我要返去睇電視！我諗住搭４３返屋企，點知落雨，咁我就搭ＭＴＲ啦∼返到屋企都９點３ｌｕ，咁就睇電視啦，睇到做完先沖涼，沖完出黎就打電腦，打我既得救見證，打到１１點幾先有得𤍣呀！慘．．．．
|
