心情指數：＊＊＊＊＊
今日好似仲凍過琴日呀！今朝好乖，一路行返學一路睇電腦張紙，不過都係睇左幾題咋．．．上到５樓岩岩打鐘，之後就返班房測啦，今日同埋ｐｅ班ｄ人一齊測，好好笑，成班友仔係到出貓ｍｉｓｓ都唔知＝．＝今次份卷好易呀！ｍｃ都成６０分喇！正呀，ｄ問題都係幾題唔識，其餘既都係到吹呀吹∼呼！咁就做完喇，大把時間淨返係到𤍣覺！
收左卷之後比ｍｉｓｓ蔡叫我地留低係到講數，講數學姐∼唔洗緊張，講左幾個字就放得ｌｕ，之後係學校擾攘左陣，又食左燒賣之後就去左ｍ記搵ｋｉｄ仔佢地ｌｕ，點知去到淨係見到ｋｉｄ仔同阿狗同埋文傑，肥龍，阿朱佢地一齊，咁之後我同阿亭，波子，阿狗，ｋｉｄ仔搭小巴落荃灣唱ｋ，跟住等埋細丸同含含黎就開房ｌｕ∼又係琴日間房呀！！不過都ｏｋ既∼
修到去我地好快就點哂ｄ歌ｌｕ，係到唱呀唱呀唱！今日我唔知發咩神經，可以唱到男聲，仲要係好似男仔既添∼哈！嚇親人．．．．但點解之前又唱唔到既？真奇怪！今次又係食返琴日果樣樣，飲又係同琴日一樣，今日含含終於唱多左歌喇！哈∼我地又係唱到４點走人，之後就陪阿亭去等車啦∼點知係巴士站果到見到對面有個阿婆整親，白車都黎埋，又有架吉既巴士係到，唔知咩事呢∼？睇左陣４３就黎ｌｕ！亭亭上左車之後我就行返屋企啦∼真健康！我都覺得係！ｈａｈａ∼
返到屋企之後又係到玩電腦，又玩明星３缺１，次次都同電腦打，好悶添．．．．．想搵ｄ人同我打呀！哈哈∼玩到６點半就去沖涼啦，好耐都冇試過咁早沖涼ｌｕ∼沖完出黎就食飯飯喇！食飽飽又打機喇！哈哈∼之後７點幾就縮左上床一路溫書一路睇電視∼仲比家姐改左個名添∼不過唔識打出黎＝．＝之後睇埋宋世傑就𤍣覺豬ｌｕ∼
|
