hey, i owe you this, remember?

《假如3年前我有努力》

今日終於考完DSE,

真正考完,

連oral都考埋.

其實感覺真係好唔真實,

好似仲未考過咁,

好似仲要溫書咁,

可能係因為自己根本就冇乜點盡力,

真係,

唔係講笑,

我都唔知點解自己可以連DSE,

一個可能係自己一世人唯一一個公開試都唔盡力,

我覺得自己好叻.

咁當然係有認真過嘅,

但係真係同想像中差好遠好遠,

考之前plan好哂要溫E樣溫個樣,

要每日幾點起身溫到幾點,

同自己講得一次機會真係要努力.

結果呢?

原來一個公開試都唔可以令到我變左另一個人,

我搵唔返會溫書,

會擔心成績個個自己.

唔知由幾時開始,

我已經冇左溫書個種感覺,

而且,

再搵唔返.

咁又唔係完全冇溫嘅,

不過溫左幾多真係自己先知啦,

日日都起唔到身,

起到身又喺到hea,

再唔係就食完個早餐就訓返.

溫書溫溫下又會做左第樣嘢,

日日都諗仲有好多時間,

一日一日咁hea.

有好多人考試嘅時候會話自己冇溫過,

會話唔識好難,

會話真係一D信心都冇,

但係而D多數係假.

有幾多人話自己冇溫過嘅背後其實已經溫好哂?

我可以保證,

我話我冇溫過,

就真係冇溫過.

其實有時我都會諗點解我可以接受到自己hea到咁,

但係就係搵唔到想溫書嘅感覺.

結果一早plan好哂嘅溫書計劃喺最後個一個禮拜先叫真正開始,

結果想溫嘅嘢根本太多,

結果唔識嘅嘢都係唔識,

結果係考個一刻先怨自己溫得唔夠.

中文真係有好多練習side左,

有好多嘢可以做但係冇做到.

英文更加係,

明明話過要aim high,

話過要再升多D,

點知最後都唔知自己做左D咩,

又side左D練習,

明明有機會再叻D,

只要可以勤力多少少就有機會,

但係都係冇做到.

MATH真係對唔住自己,

又話要克服佢,

又話其實level 4好易搞掂part a就得,

又話最後一次對住佢要好好咁分手,

明明math應該要用好多時間溫,

但係最後都係放棄左佢,

定係比佢放棄左呢?

LS就算啦,

雖然都係print左D書唔知點解又睇都唔睇,

不過都叫做連LS都有溫,

算啦.

然後考core嘅時候後悔冇溫夠,

轉個頭又唔想開始溫elective.

雖然E&R真心係咁多次考試以嚟溫得最多,

但係都係同自己想像中會溫到嘅嘢差好遠,

如果溫多D肯定會更加有信心,

明明就唔係難.

至於BAFS,

真係覺得有D對唔住Mr. Lau,

咁耐以嚟都冇點比心機,

連DSE都可以咁我真係服左我自己.

而家終於考完.

由3月25號考中文oral開始,

到今日考完英文oral,

而45日咁就過左.

都考完啦,

講咩都冇用啦,

可?

我都真係冇嘢好講,

亦都唔知4個月後會點.

只係有時諗返轉頭,

如果自己一早就有努力會點?

如果自己有好好咁利用個2個月時間,

有比心機溫書,

結果係咪會好唔同?

已經唔會知.

已經冇得返轉頭.

算數啦,

都過左去,

都係做返個個唔擔心成績嘅我啦,

同埋,

祝我好運.

如果你竟然睇到而到,

多謝你,

可能你都係一個考完DSE冇咩好做嘅人.

不過我都唔知寫嚟做咩,

就當係一個句號,

有冇努力都好,

都完左啦.

同埋,

話比你知,

我係記得我講過嫁.

最後都要講返句,

DSE IS OVER !! :D

P.S. 個題目好似冇咩關係, 不過個時係咁打, 所以算啦.