我最鐘意嘅運動係打籃球 !
當然 , 要有好拍檔先可以打得好 ,
我好幸運 , 搵到一個 。
此人唔係同我同一間學校 ,
係喺我屋企樓下籃球場識 。
我哋唔知對方叫咩名 , 唔知對方住邊 , 唔知對方讀邊間學校 ,
我只知道佢同我一樣大。
每次見面都冇約定 ,
純粹為打籃球而咁啱先見到面 。
我見到佢 , 會叫佢 : 高手 ; 佢會叫我 : 高妹
佢好勁架~
好識走位 , 彈跳力勁 , 射波準 ( 可以話百發百中 ) , 搶波掂 . . . . . .
我好鐘意同佢打籃球 ,
同佢打籃球好安靜 , 唔會叫餐死 。
邊個打得好 , 就笑吓或者講聲 :「好波 !」;
打得唔好 , 就講聲 : 「努力 ! 」
唔會好似喺學校咁 , 鬥串 / 玩粗口波 ( 俾人搶波講粗口 , 諸如此類 )
我同佢嘅默契好到不得了 ,
一個眼神就知對方想點。
好幾次我同佢對幾個大過我嘅哥哥 , 都贏。
佢真係好勁 !
我有好幾次想問佢叫咩名、住喺邊. . . . . .
但係諗深一層 , 其實依家咪幾好 , 我都係為咗打籃球可以有個伴 ,
何必去走多一步 ?
高手 , 我好高興可以識到你 , 可以同你打籃球 ^^
今日 , 我計一計 , 原來我同你已經識咗半年
希望我同你可以繼續保持呢種友誼關係
分類: 未分類 |
