又打風lu...

天文台話會係今晚六點或之前掛八號風球...

唔知聽日使唔使番學呢...

記得有次唔知小五定小六個陣，朝早已經落左八號...

不過教育局都係宣佈停課...

希望聽日都係咁啦...

今日上上下Maths個陣,

胡X琪無啦啦叫我幫佢開枝塗改液..

用力一開...

=   =

成張枱同張WS2.2都係塗改液...

條褲都有幾滴...

我恨她...

放左學要去健康檢查...

成4點半先搞掂...

不過好彩唔使check個到...

check完行番去車公廟站搭車...

見到豬肉芬啱啱係學校門口行出黎...

囧...行快兩步先...

行過條橋個陣勁大風...

不過又冇乜雨...

去到CKT，郭得勝個幾條X街打我尖...

喂，未死過牙...

見有位坐唔同佢地噪...

不過部車比預期中少人...

對面往大圍方向部車真係上都冇位上...

仲有三分鐘就六點lu...

仲未掛八號...

出面都幾大風...

希望聽日唔使番學啦...

----------------------------------------------------我不是分隔線------------------------------------------

咦，掛左八號喇...

咁快既...

頭先仲係三號架...

=   =