闊別大家差唔多一年，因為小弟係自從坐完九巴66線最後一單後，便開始淡出巴迷界了。井且因為興趣減退關係，決定退出巴迷界。不過放心唔會因為咁個blog就冇晒文章，最多咪轉型講第二啲。Yo!轉型啫，使乜驚呀!
今次我地講啟德新發展區，啟德新發展區佔地超過320公頃。有公屋區，私樓區，郵輪碼頭，綠化帶，政府設施諸如此類諸如此類多到喊。交通又有乜乜巴士乜乜港鐵乜乜單軌乜乜船......Yo!講呢啲。其實小弟識朋友岩岩搬入啟晴邨，見果到，咦~好靜啵。範圍又大環境又優美，拍得住啲居屋什至私人樓。之後我又諗，呢到以前係啟德國際機場而家咁玩法幾有意思啵。直至有一次我需要完成高中通識科一份專題報告咁話，我把心一橫決定就以啟德新發展區做探究對象，睇下佢係點做到可持續發展先。反正我地偉大既香港政府話包括啟德發展計劃在內既十大建設可以做到可持續發展咁話，一於睇下佢點做到。
今次呢一篇叫<<啟德發展計劃圖析第一章 - 公共房屋啟德晴朗第一集>>總之千言万語之後你地當呢個係份IES既副產品咁就OK。
入正題了
如果想經過采頤花園入啟晴邨，會見到太子道東，太子道東係昔日啟德機場既邊界同今日既啟德發展計劃既邊界
一大片空地，左邊就係啟晴
由行人天橋影去啟晴邨
下圖係將會係啟德發展區內大量使用既道路綠化帶
係采頤同彩虹邨行入去其實都唔係咩好事，好遠的說，而家啲居民想搭地鐵一係去德朗搭老九條5M線去九龍灣站，唔想俾錢既就要穿過采頤花園去鑽石山站
 
由以下幾福圖可見，邨入面啲公園設施啲設計都同啟德機場同飛機有關。而我睇入面啲師奶同細路都應該相處得唔錯，佢地一到公眾假期就都會落樓玩。
  
你想係呢兩條邨蕩失路其實都幾難，周圍都係呢啲指示牌。
  
係頭先個位入嚟過左飛機遊樂場轉左就嚟到晴朗商場
冇左間死人嶺滙，啲嘢食叫平左啲咁啦
都幾飽下，雖然係食完Lunch先講呢句
沐翠街 晴朗商場
 
嚟到德朗，其實樓宇同啟晴差唔遠
因為Area大啲，所以條死人綠化帶都大啲，玩埋空中花園...仔
 
時間所限，我啟德晴朗第一次視察就咁玩完。
 
臨走送張全景圖俾大家
下一章會係講呢啲講啟德郵輪碼頭，本文完，謝點閱
|
