今日又要返新世界啦...不過老姑婆冇返...冇咁嚴...返到去先知我今日係食3:30p.m囉...有病嫁...返10點呀...有麥可能食咁晏嫁...地獄既生活!!餓死我= ='''今日又識左左幾個人啦....唔駛咁悶....之後又買左本小說睇...後悔囉!買左返黎先知係有幾個故仔..即刻唔想睇...灰!!今日終於俾我開到張單啦..哈哈...不過果條友夾單囉...好夾唔夾..竟然同osim夾..想死= =''不過算啦...d野唔駛我跟..俾哂佢地跟...我sell佢果陣果客同我講owim都係我地呢隻牌子...但係我地賣千幾..佢地賣6百幾蚊囉...即刻冇聲出...仲可以講d麥喎..><"今日又係遲收工囉...都講明話到左關店時間...仲要死過黎賣野...痴痴地嫁...><"

今日10:15a.m約左cherie,cherry,阿din係葵芳食早餐...因為要返港大上堂...上左成3個鍾囉...又要考試喎= ='''超級無奈...返到樂吉...lisa同惠玲已經開始盤點緊啦....一返黎佢地就同我講唔岩數...鬼知咩= =''我都唔係度4日啦...即刻打俾cherie問...搞掂左/\/\''之後佢地就盤樓下啦...冇耐阿may都黎埋...一齊盤...岩數..但花號唔岩囉...錯得好緊要呀...勁改電腦數..眼都盲呀><""阿女放左工就黎左搵我啦....都冇得同佢傾計...搞到放工都仲未盤完....擇日再盤過...慘囉!!

今日自己一個返新世界呀...悶到我死...尋晚已經訓左好耐嫁啦...都仲係咁眼訓...可能個商場係落左安眠藥嫁= =''''放左工之後過左沙田接阿輝...再去百佳買野就返佢家啦...返到佢家佢就煮野食....食完之後..不知不覺咁就訓左覺啦!!

十二點幾就起身啦..搞掂好哂d野就走啦..又搭返車出去食野,又係叫左好多野食,好飽呀!食完野就走啦,點知勁大雨囉,咁就行下d商場睇下有冇遮賣啦..點知係...冇囉!!都唔知麥野百貨公司黎嫁!我地等雨細少少既時候,影左幾張相,影完就走啦,,,搭車返深圳,今日搭左成3個鍾囉...又訓唔著喎..悶死我不特只,仲搞我同阿輝唔舒服,一個凍,一個熱= ='''之後行羅湖商業城啦,行完搞到我個頭好暈呀..已經冇冷氣嫁啦....d人仲要係度食煙,痴線!成個商場都冇野行既,之後就搭車返香港啦..返到香港,仲係好唔舒服呀...搞到心情差哂...我地出左沙田再轉車出荃灣...去左睇[三分鐘先生],睇完就返佢家啦..睇完[流金歲月],阿輝就煮野俾我食..食完之後就沖涼訓覺啦...好眼訓呀!!

8點幾就起左身啦...等埋阿輝起身就整野出門口啦..去到深圳就去食早餐,食完早餐就搭車過番禺啦..成兩個鍾車程呀!!好彩我訓得著,如果唔係...一定悶死我!!好到番禺等佢個朋友黎,就車我地去長隆啦..落車果陣,竟然落雨囉,好彩唔係好大姐!唉...我想睇果個動物園冇左呀..因為佢話開到5:30p.m,依家都成4點幾啦,仲去麥姐><"咁我地就去左遊樂園玩啦..我地玩左一個遊戲,阿輝已經唔舒服啦,即係麥都唔玩得,咁我地就勁影相啦,很低能..哈哈/\/\''到左7點幾就去睇馬戲團啦,佢地仲會捉觀眾出黎玩,好彩我地唔係坐出面姐,有條友俾佢地捉左出去...跳水.個男仔好似好唔願意咁,但係捉左出去,有麥可能會俾你唔玩呀,3,2,1....跳左,yeah!!明明係去睇表演,依家就變左俾人玩,可憐!阿輝問我如果我俾人捉左出去會點?我一定會喊囉,我又唔識游水,咪搞我!傻的!睇完d咁精彩既表演就走啦..搭返車出去,又行左陣街,再等埋佢個朋友,我地就去飲茶啦,同平時一樣..我都冇麥點出聲,最怕同d陌生人講野,都唔知講麥好= =''食完野,佢個朋友問仲有d麥野地方想去?不是嗎?仲行!好眼訓呀!之後就去左[番禺大廈]租房啦,返到去,岩岩睇到[流金歲月],之後佢個朋友問聽日有麥地方想去?腳底按摩...保齡球..桌球....冇一樣有興趣><"真無奈!!算啦...都係聽日訓醒先算啦!!佢個朋友坐左陣就走啦..咁我地計續睇電視啦..睇完我就去沖涼啦...帶埋個電話入去聽歌..入去冇耐..突然間黑哂囉,即刻出返黎,原來阿輝煲水整濕左d電= =''個次所都已經恐怖嫁啦...仲要咁樣嚇一嚇我...想死!沖完涼就訓啦...好累!