旅行_*

岩岩過左去果３日去左大陸旅行。

第１日－－首先去左東莞個展覽館,,

　　　　　因為係講關於歷史所以我地就唔聽果個導遊介紹,,

　　　　　自己周圍睇,,裡面有好多模型都比我地破壞晒,,

               但係係我地破壞完之後..竟然比我地發現..係有閉路電視影住@@

               但係玩左咁耐都冇人泥捉我地..哈哈!都唔知佢要個閉路電視泥做咩..

               之後上到２樓我地就睇下有冇閉路電視先玩啦!有部電腦仲比我熄左添!

               不過我係唔小心所以先會整熄左部電腦...之後冇幾耐就走左嚕!

               之後就去左食午飯喇!都幾好食啦,,不過胡椒豬雜湯D豬雜竟然冇晒味,,-0-"

               我地係係一個大型既商場入面食架,,食完之後就行呢個商場喇!

               商場入面附帶左D室內既機動遊戲,,有3個係室外架,,不過因為落雨玩唔到..

               所以我地D小朋友就揀左去玩機動遊戲放棄行街啦!

               計埋我有１０個小朋友但係我地就分開玩,,我地６個人一組,,佢地４個

               我地就去左玩室內過山車,,佢地因為唔夠膽所以冇玩..

               一睇就知個過山車唔係太恐怖,,,原本諗住扮下野嗌下...

               但係點知玩果時係嗌唔出架...

　　　　　因為真係太低能既關係我地剩係係到狂笑,,完全扮唔到驚去嗌...

               但係大陸人係係到嗌囉...估唔到大陸人既過山車係咁架...

               之後係唔多想玩其他睇落冇咁好玩既機動遊戲,,但係因為費事晒＄所以照玩..

               之後去左玩一個好似叫八爪魚既野,,原本諗住佢只係會一路轉一路上下彈下,,冇咩野..

               點知玩呢個遊戲竟然會有少少離心力既感覺@@真係難以相信..仲好玩過過山車!

               玩多左陣就走喇!之後食完飯就去順德返酒店,,返到酒店之後因為冇野做所以落左去游水!

               好耐冇游過水喇...爽呀!點知嘉穎狂比人整之後太辛苦所以諗住捉住我抖下,,

               點知禁左我落水搞到我飲左幾啖水,,好辛苦呀..飲完之後狂咳囉..之後冇咁耐就返返房沖涼喇!

               沖完之後佢地話去食宵夜所以又出左去,,我地１０幾人嗌左勁多野先食左百幾蚊..

               另外一枱仲勁,,幾個人食左１７蚊咋!之後就返去訓嚕!

 

第２日－－係酒店食左個ＯＫ既早餐,,跟住就去左農莊...之前去過..玩左一陣就走...好悶..一D都唔好玩...

               跟住原本話去賽車..點知原來要去完摘龍眼先去,,,但係我唔食龍眼既..所以諗住唔落車,,

               點知佢地又一定要我地落...好唔HAPPY咁跟住佢地落車,,

               但係行到入去我,嘉穎,呀哥,呀妹,嘉穎媽咪都冇摘..

               企左一陣就比蚊咬,,之後DADDY見我地企晒係到又唔摘所以就叫我地上車先喇!>V<

               因為琴日落過雨既關係,,加上果到係泥地,,我地出到泥隻鞋已經污糟晒,,慘..

               所以我地就問嘉穎媽咪攞左包濕紙巾抹返乾淨,,之後就去賽車喇!個場好細,,不過都幾爽!

               呀哥兜左９個圈呀!係咁多個人之中最快呀!超勁!

               跟住就去海泉灣喇!果到好令呀..

               食完晚飯抖左陣就去浸溫泉喇...點知D大人話去睇唔知咩水上SHOW先,,

               去到見到有個小朋友做緊類似龜波氣功既動作,,- -後來發現原來係D姨姨帶泥既,,

               所以就幫佢名名為龜公喇!睇左一陣SHOW就走左嚕..去浸溫泉啦!原來入面有個池

               係好似死海咁係會浮架@@之後我地去左個池水得３度既池,,好正呀..浸完勁舒服,,

               跟住就去熱海喇...不過我地就覺得唔係好熱,,,浸完之後又係食宵夜訓覺,,

               原本今日幾開心,,但係另外果４個小朋友裡面有１個話比我聽...

               當中最樣衰既果個女仔話我樣衰,樣賤..聽到之後真係幾無奈下..

            

第３日－－食早餐果到太細,,所以要排隊等位,,點知有個應該係導遊既仆街,,係入面幫佢D團友搵位,,

               搞到我地排隊都冇得入,,跟住有D侍應出泥阻止佢再帶個女人入去,,跟住個女人係到同個侍應嘈..

               個男人就出去搵經理...之後我地入到去食野就冇理佢地,,點知食完出泥個女人仲同個經理講緊..

               又話自己唔係為左啖氣,,剩係想人講聲SORRY,,又話人地而家笑笑口,頭先就咁對佢,,

               明明係自己唔岩仲係到話人..嘈左兩個鐘終於比佢攞到個生果籃........

               我地６個小朋友冇理佢,,食完野就去左神秘島玩,,

               果到D機動遊戲好正呀!最衰唔夠時間如果唔係就可以玩多幾樣..

               我地一去到就玩跳樓機不過冇海洋公園果個咁高,,唔係好剌激,,

               跟住就去玩唔知咩逃生船,,不過我同呀哥冇玩..

               佢地行緊出泥果時我同呀哥就去左玩海盜船,,個海盜船勁細,,一D都唔恐怖..

               我地果行唔知點解得３條安全帶..有個人原本坐前面,,後來走左過泥,,

               佢隔離果個話冇安全帶..點知佢話唔洗啦..跟住就坐左係到...

               之後過左隔離玩Ｅ型戰車,,好正呀!勁好玩..成個人掉轉左..勁鍾意呢個遊戲呀!

               原本諗住去玩埋過山車,,點知太多人排隊,,玩唔切,,

               所以玩左個有個雀仔頭係咁係到轉既唔知咩就走左嚕,,係一D都唔恐怖囉..

               之後就去食LUNCH喇!都幾好食..不過個咕嚕肉勁難食囉..

                跟住就去按摩..按完之後勁舒服呀!之後就散團嚕,,,要搭兩個鐘車呀..

              有D人係羅湖到落車..我一家同伯伯一家加表叔媽咪,表叔同表姑姐就係唔知咩咩路到落..

               因為我地要去食DINNER,,,餐晚餐好食呀..之後就返屋企喇..點知我地有１１個人搭唔到的士..

               佢地就話去搭地鐵喇...點知記錯條路,,行遠左一個站呀...不過價錢係一樣..＄２ 好平呀!

               １２點幾先返到屋企....跟住２點幾先訓...因為冇野做既關係..我訓到４點幾先起身..哈,從未試過呀!

 

                       呢個就係Ｅ型戰車喇!黑色果到係架車泥架!

                       海泉灣間房

                      個廁所,,玻璃後面係沖涼..隔離電話果到係廁所..

                      中間果兩截可以拉開架,,入面就係頭先個廁所啦!

                   張枱...

                     係露台到影到既風景...

                          酒店另一面既房....

                          露台個搖椅...好正架!

 

       PS 好耐冇打日記喇...呢篇野夠長啦掛!

       BY...TTING*=]

2006-08-01 11:33 PM  [ 訪客留言(2) ] [ 編輯日誌 ] [ 分享至FACEBOOK ]

« | 44 | 45 | 46 | 47 | 48 | 49 | 50 | 51 | 52 | 53 | ... | 85 | »