今日幫耆康會做義工.8點幾起左身,但尋晚係成5點先訓!

今次係探訪老人家.係第一次做架!超緊張,但又好興奮!

一路做既時候,一路都覺得好warm,好moved,好sympathy.原來同d長者傾偈係咁舒服的.知道佢地咁樂觀我都覺得好安慰.佢地好健談,好nice.

其中一個令我最深刻既係一個斷左左臂既區公公,聽佢講番好多以前既野,例如日本仔打香港呀,佢又遇過空難呀(佢好似就係因為咁而冇左隻手),越聽越感觸,因為佢經歷左好多.跟住原來佢唔講唔知,佢雙眼都有事架!睇野係朦架!我地一入到佢屋企就同我地講佢隻眼有事,佢睇唔清我地的,淨係睇到我地個輪廓,聽完之後真係好難過,個心有少少唔舒服,好想喊,但又喊唔出.原來佢隻眼搞左好耐都搞唔好,而家只能食藥維持現狀.聽佢講佢對眼搞成咁都係因為一個醫生.唔知果個醫生係咪新手,區伯伯第一次去醫眼既手術就係失敗響呢個疑生既手上,之後就再冇得醫喇!聽佢講話之後都有機會架,但因為隻眼損耗得太勁,所以根本唔做得手術,因為一做就會仲傷!跟住佢話佢冇怪個醫生搞成佢咁,亦都冇告佢,仲話要俾機會佢,等佢第時成為出色既醫生!聽完之後真係好感動呀!!區伯伯太好人喇!最緊要係做人樂觀.佢食好多藥架!睇到真係好心酸.當然佢D藥唔係淨係for對眼既,仲有其他既病呀,痛呀,咁.佢仲有同我地講其他軼事咁啦.

今日一共探訪左4戶人家,其中3個係獨居老人,另外一戶就係一對老夫老妻,佢地好鬼溫馨架!總括黎講佢地5個都好健康,行得,食得,訓得,當然始終年紀大就一定會有病呀,成身痛呀咁,但係佢地都好樂觀,好正面,日日堅持健康飲食,輕鬆咁生活,對如病痛都係持既來之,則安之既態度,唔會自怨自艾,實在太令我佩服喇!好感動,好warm呀!

下次要再去探你地呀!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住同alan & mandy食埋野,就過左去油麻地做街訪.原本同alan約定做完義工就溫書,不過最後都係決定去做訪問,個project好鬼煩呀!我同alan都係好憎做project的!其實決定去唔多唔少都因為我尋晚訓得太少,勉強溫只會訓覺收場.

跟住做成差唔多兩個鐘,都係得果11份咁大把!未夠quota囉!

不過太累了,最後都係收工.

跟住同alan去左mk飲野,行左一陣,睇左一陣衫,咁就走喇!alan住mk囉!

跟住一上車已經唔得掂,一路訓到番屋企,勁眼訓!爭d唔知醒!

跟住夜晚打左幾個電話,點知第一個call就已經係粗口!

跟住發覺都係放棄,原本諗住唔搵fd做都唔得,如果唔係唔使交差.響呢度要多尹生,j仔,同埋fish幫手!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住做下account既assignment,打埋呢篇日記,都成3點半了..........