通常都係朋友們有唔開心既時候會打俾我,好少話我有唔開心打俾佢地.

因為,已經慣左將唔開心埋在心底.

但尋晚,讓我第一次感到如此的"凍".

在cwb搭緊地鐵(而家要叫港鐵)番屋企的時候,好想即刻可以見到某幾個朋友,好想攬住佢地,好想同佢地傾偈,好想聽到佢地把聲.

其實呢某幾個朋友唔多,只有4個:

- 然仔(陳柏宇) (電話唔通,留左言俾佢,之後夜d收到佢個message話沖完涼打番俾我,so nice ^^)

- 福仔(助理警務處長) (當時番緊工,所以叫佢放工先打番俾我)

- 肥鴻 (電話通,但冇人聽,之後都冇再打番俾我)

- 滔仔 (用QQ留左言俾佢,但都冇覆番我,真的好有衝動當時即刻打個長途電話搵佢)

以上4人可以話係我最信任得過的人,多謝!即使有兩個冇即時俾反應我.但我知道你地唔係避開我就得.

收到然仔的電話超開心,因為可以將成肚既"爐蘇"講晒出黎,亦都好多謝你聽我講左咁耐,我諗差唔多兩個鐘,EVEN MORE,唔記得了.

收線之後打番俾福仔(與然仔傾的過程中收到佢既電話),傾左一陣,不過佢有野忙所以收左線,之後都冇再打番俾我,ANYWAY, THANK YOU, TOO.

你,我諗我地的友誼應該到此為止,這是你俾我的SIGNAL.由此至終,我都有拎個心出黎,我同J仔講,我既性格就係,"我對任何人都係一樣,就算係熟定唔熟,我都係給予信任,UNTIL俾我發現我地原來唔係MEET AT THE SAME POINT".過程中,我係唔會對朋友有懷疑的.我知道呢個係缺點,但我願意犯,因為我真係唔想將友誼呢樣野污染,我希望將呢樣野永遠留一個純潔既印象響心底.呢個性格/缺點係改唔到的,希望各位朋友原諒.

你,已經俾左個答案我,我會識做,我,唔會再聽你的電話,亦都希望你唔好再打黎.由我肯跟你走的一刻,我仍然對你保持信任,交出個心的.可惜,原來果一刻,你已經唔願意同我MEET AT THE SAME POINT.

我唔知你會唔會因為冇左我呢個朋友而唔開心,但我一定唔會覺得冇左你係一個損失.