上個禮拜原本諗住約肥許番學校幫我補數,不過最後番唔到. 因為撞正端午假期.不過佢到好有心啦,話番屋企問下太太有冇咩特別事,如果冇就應該冇問題,當時我聽完真係勁感動囉! 佢太好喇!肯為左一個學生禮拜六都番黎補課,認真唔話得.雖然最後都有d阻滯.跟住佢同我講話不如今個禮拜每日7點半番到,就有半個鐘問數!所以搞到我今日勁早起身,踏四就已經番到.

今日落雨,所以冇排隊,正! 跟住既堂都過得算係咁.今日除左acc同m&s之外,其他堂都唔錯,尤其是係ue,過得好充實. 而家發覺呢個miss chan又唔錯喎,雖然個人係寸左d,不過真係教到我野喎!講野幾清楚,幾易明下.希望下年都係佢教就好喇! 不過我仲係有少少唔鐘意佢咁寸.

放學之後,搵左肥許補左半個鐘,因為佢之後要開會.咁我就走喇!

之後都冇咩特別野發生,咁就一日.