唔好當我真係冇番屋企,我只不過係想講話成日都唔響屋企遮.

一朝早去左唱k,係同樹仁同學仔的第一次唱k,sem break嘛!10點半david打黎,問我係咪11點等(我仲訓緊).我話係,跟住佢又問我做乜未出門口,我話10點先起身都未遲.跟住佢同我講話:"10點?而家10點7喇!"即刻彈起身.做咩較左個鬧鐘10點響,但點解唔響?

跟住去到tst寶勒巷neway已經11點半.跟住就開始唱.唱到兩點半.今日唱k係有史以黎咁平.埋單位位$30!聽番原來話樹仁學生有優惠!唔知係有學生證定係abaa既會員證.anyway,實在太抵!下次唔去neway city唱了.因為寶勒巷呢間都好好唱架!論野食寶勒巷呢間正好多囉!同埋,如果大家下次想出黎唱k既,可以叫埋我架!因為我有優惠呀!

今日發覺左原來大家都唱得唔差架!尤其是係sandy呀!完全同平時係兩個人!佢唱歌把聲同平時把聲爭好遠!同埋佢唱高音&假音好好聽架!david都好好呀!佢唱歌個樣真係好正經.

跟住唱完就散了.由於我夜晚唔join佢地食hotpot既關係,所以我自己走先了.

行過mk搵尹生.跟住行到成7點幾先走.原本諗住夜晚打牌的,但由於戴小姐聽朝要番早&尹生屋企成9點先可以打得既關係,所以作罷了.

跟住靚薯打黎話過apm睇野,所以又過左kt(使唔使咁忙呀?!).其實過到去都係打機多囉!唉.....睇野時間都唔知有冇一個鐘.

跟住去左飲野,埋單果陣真係有少少火火地.我張單俾個阿姐埋單,但佢可以完全一隻眼都唔望下張單就同我講話收$24囉!佢以為台面果杯凍檸茶係我地的.叫佢睇下張單又唔睇囉!不過最後解釋左話杯凍檸茶唔係我地的,所以收左$14.爭成$10囉!唉.....

跟住,唉....又係打機!相信大家都知我呢個絕種純情小男孩係唔識打機的,所以去到都係睇機.當陪人吧.

最後搞到成差唔多一點先番到屋企.

P.S.1:原本約好左聽日打牌的!可惜.....因為臨時唔得閒既關係,我放左大家飛機呀!好唔好意思!

P.S.2:要響呢度"um"住個心(因為sms俾人識穿左話我假^^)得黎而又要鄭重地同以下人士講唔好意思:

         a)子皮姐姐

         b)尹豪弟弟

         c)靚薯兄

P.S.3:新年一定要打牌!至死方休果隻!

P.S.4:而家隻手已經俾d麻雀蟲咬到爛晒喇!你地一定要幫我醫番好隻手呀!book實你地新年打:子皮姐姐,戴小姐,尹生!

P.S.5:問:"新世界(中心)響邊呀?"

         答:"新世界?台黎架喎!"                   <--------------以上資訊係由一位女士提供既!

         (D&J笑到死左.........)

P.S.6:(Dialing HMV Hotline.........)

         問:"喂喂喂!!!呢度係咪日本城呀?!

         答:(強忍住笑)".....er.......唔好意思呀小姐,呢度唔係日本城呀."     <------------以上資訊係由戴小姐提供既!

         (收左線......)

         (個職員笑到不能自拔..........)