打番尋日,6/11/2005既野先:

禮拜日凌晨同d朋友宵夜,飲左少少酒.跟住上左佢屋企通頂,大家4點鐘到都已經訓晒,唯獨是我響都眼光光,豬肉湯.6點尾接近7點,我見天都差唔多光,都係時候番屋企.跟住番到屋企似乎唔多想訓,開左電腦,打下日記,覆下留言咁.跟住溫書,因為晏奏補習果度有test.跟住過去join d朋友,不過8點半到我就走了,因為佢地仲有下半場,同一個我都識的朋友慶祝生日.不過我冇去,因為佢冇叫我,冇理由不請自來.或者,人地唔多想見到我..................

番到屋企,沖完涼食埋飯,都已經成10點幾.由於成日都冇乜點訓過既關係,12點到就噠落床訓了................

P.S.:阿Bee,生日快樂呀!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

到今日喇.

訓醒,望下個鐘,7:55.以為未訓醒............跟住梳洗,番學,唔使趕,8:35番到.都幾快.

上到去busi堂對番上次既big test,意料中事,衰晒........

跟住acc,同軒仔做數,廢事聽fok姐講野.

小息排隊,肥布歐講左幾句令我非常感動的說話.但係,佢越係咁,我越係唔舒服..............

跟住"Drop科"堂.再跟住m&s堂.

lunchtime,飆出去拎蛋糕,因為碧姑生日!跟住象徵式咁食左一舊,即係飛過去幫肥布歐買野食,順便幫自己買埋.

食完,過去圖書館當值.

cl&c,訓覺.pe,tennis.

班主任節,揀人幫手搞同學錄,非常期待中..........因為中五果時都唔知算唔算有搞過.

跟住,留堂.

跟住,見到Mr.P,諗住問佢下禮拜一得唔得閒打羽毛球,點知傾傾下冇左回事.跟住,同佢一齊走,大家都係搭地鐵,不過唔同line.番到屋企地鐵站,先醒起唔記得問佢.認真搞笑.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住,終於鼓起勇氣,放低心理包袱,send message俾阿Bee,同佢補講生日快樂.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

P.S.:今日係碧姑正日生日,響度祝你生日快樂.