剛剛上網睇到,原來amanda響上個禮拜既勁歌金曲出現,而且帶埋佢首新歌出黎添呀!

真係超開心!

終於復出喇!計下計下佢都冇唱歌好多年喇!

咁好材料唔唱真係徙晒囉!

唔記得同大家講,我以前到好鍾意amanda架!依然係好期待阿kit同cass既復出!

總之,唱功好既歌手我係非常之鍾意的! regardless of 佢個樣!

而家d後生,即係果d所謂既粉絲,係掉番轉的,鍾意個樣多過佢個涵,搞到而家個樂壇不知所謂!

成日都話市場需要,講真,如果冇呢班咁廢既後生,又點會有咁廢既新人出現?!根本就係羊毛出在羊身上!

前兩日響報紙睇到一則新聞係關於一個瘋狂迷戀華仔既粉絲,為左見偶像,可以賣屋賣樓去join fans club,但都仲未夠喉,到最後佢個老竇覺得滿足唔到個女而唔開心,跟住仲跳海自殺!

真係諗唔到點形容呢個人!癡癡地線的!為左個偶像可以累死自己個老竇,你過意得去咩?!好心你攝高個枕頭諗清楚啦!

你呢世都會受良心責備呀!