尋晚香港站第一場，十分呆滯，心神恍惚，

今晚第二場（尾場），ｈｉｇｈ到極點，為何我會有這麼大的落差？

想不到，尾場的位置如此好！

第四行正中間，不用像第一二三行般抬頭看，又不用側看，正！

直視燕姿的感覺真好，燕姿台上望落黎都勁易望到我，因為我同燕姿既位置真係一條直線！

而且我仲做左＜天字第一號＞，舉牌既最中央而且係第一個，

最前最突出（其餘燈牌全部係我後面果幾行，得我一個係最前果行，仲要係正中間XD）

搶左燕姿唔少視線！！我企曬起身都無人小我XD　　我太突出同搶眼喇XD

雖然有咁好，接近完美既位置，但影相都係留返比ｄ師兄，我做＜天字第一號＞就算＞＜

全場ｈｉｇｈ爆，嘉賓仲要係鄭秀文，真係抵到爛，剩係聽合唱終身美麗都值回票價（＄６８０）！！

鄭秀文兩首獨唱都正到爆！！

今晚真的很不簡單，兩次ｅｎｃｏｒｅ之後都無人離場，山頂既都留下來跟一起叫！

第三次時，全場已經開燈，紅館都有幾次完場廣播，但大家都留係到叫，又噓ｄ完場廣播，

大家ｈｉｇｈ到極點，ｈｉｇｈ到警衛趕人都唔走！

我繼續發揮＜天字第一號＞既角色，掀動山頂既人叫，叫到自己失聲，聲帶出血＝３＝

第三次ｅｎｃｏｒｅ，大家竟然叫左二十幾分鐘，叫到紅館拆台先肯走，好團結

雖然最後燕姿無再出來，但呢個場面已經係完美的一晚！

細細聲：原本燕姿想出黎，但紅館唔比，哼！聽到燕姿問仲想唱咩歌，可惜紅館．．．哼！

ｈｉｇｈ完，要食安眠藥先訓到．．．

演唱會過後，又ｄｏｗｎ返，

我討厭咁大起伏既情緒．．．