中史，
自己曾經最執著的一科，
中四讀理科仍要自修中史，做了何官前無古人，後（暫時）無來者的創舉，
兩年間水槍的循循善誘，令我唔知自己做緊咩，
中六仲係唔識死，已經比家姐，師兄千叮萬囑唔好行呢條不歸路，但依然硬頸選中史，
結果，讀到一ｐａｔ野咁，
漸漸發現讀緊既中史，同自己喜愛既中史，已經背道而馳，
我討厭死背爛背，我討厭下下引經據典，我討厭分析被當成吹水，我討厭ａ－ｌｅｖｅｌ中史！
當初周羨容令我沉醉於中史，
經過小儀，水槍與死板的ａｌ制度，
我對中史既熱忱已降至零，
或許我無想像中咁愛中史，及早抽身離去未嘗唔係好事（已經好遲－３－）
明天中史，並無任何寄望，
因為早已死心，
可能考之前病，正好給我一個借口，反正我早已唔想溫，等自己休息更好，
明天決定依照自己的一套，
不背範文，不背既有答案，不引經，不據典，不引用史家所謂的名言，不堆砌史料，
只從我認為合適的角度分析作答，我不是一本書，一部電腦，我不懂將一套套既有的答案默寫出來，
ｆ？ｕ？不重要。
