終於考完了，有訴不盡的快感，成個人鬆曬，一切都完結了∼

今年份中史真係新奇有趣，

卷一好正路，卷二就嚇死唔少人，一反傳統，出題出得勁有深度，

若然係考通識，我諗我已經ａ左，可惜係考緊中史而非通識xd

今日感覺係似入錯試場，成場都幾乎係女仔，

考完之後，我聽到周圍既人''小''聲四起，

各人用盡天下所有粗口怒罵呢份卷，用盡最狠毒既說話咒罵出卷果位人兄，

令我都為佢既安危而感憂心，擔心佢會落得''老翻肥龍''既下場，我為你祈禱....

雖然份卷我唔識（我都無溫，識就奇啦ｘｄ）， 水份含量極高，

但我幾鐘意呢份卷，我覺得咁先係歷史既真蹄，唔係要求人死背範文，需要變通，

而且我發覺我唔溫而去考係正確的！

今年份卷認真正，連好多教中史既老師都唔識做，

令我非常欣賞出題果個人，勇於改變中史既現況！

中史科的未來，靠你了！

呢次我既答題方向依然相當富冒險精神，好有機會被當離題而拎ｕ，哈哈∼

仲未考完試的各位，加油丫∼