兩年前喊過一次，

當時同自己講，兩年後唔可以再比事情重演。

今日，同自己講，唔可以再喊，可惜結果都係喊左．．．

由升讀中六第一日開始，我已經預左ｕｅ拎ｕ，我既目標只有一個：想讀既科可以拎ａ！我想証明自己！

９點都未到，已經收到卓既喜訊，第一時間替佢開心，

收到成績通知書既時候，仲可以好冷靜咁面對，同其他人有講有笑，

係預期之中，ｕｅ拎ｕ，

可能係其他人眼中，我其他科既成績唔錯，但其實．．．

過左一陣，情緒始終要爆發，諗返中化同世史既失準，都係忍唔住喊，

我真係認為自己有能力有能力可以ａ到呢兩科，好想好想可以同自己講：我係得既！

但最後都係唔得．．．再望住膠ｐａｎ，我更加忍唔到喊，

膠ｐａｎ既努力，大家係有目共睹既，但現實就係咁殘酷．．．

而維，張，金最後都係衰係ｕｅ手上，

身邊不少人都大失所望，心情更加難受。



ｒｅｘ，千奇唔好放棄，你一定得架，我會支持你，當初我ｅｃｏｎ讀到想死果陣，你比我既支持好重要！加油！

膠ｐａｎ，努力一定會兌現的，儘管未能立竿見影，但一定要信自己！

小貓，陳忠，加油吧！

ｕｅ肥左的人，加油丫，過左呢關就可以的！


大佬，彤彤，卓，肥龍，嘉欣，ｃａ仔，振振，楠哥，ｅｒｉｃ，ｍａｎｄｙ，丫ｓｈａｎ，南，ｌａｍｌｏｋ，ｌａｍｃｈｉｎｇ妹妹，家姐，余同學，ｊａｎｉｃｅ，文怡等等．．．
順利過關的人，恭喜你地＝〕




雖然中史同ｅｃｏｎ比想像中高分，

但兌現唔到對自己既承諾，中化同世史失手，始終心有不甘，

究竟我應該點做？



無讀過文學的我，可以應付到純中文系嗎？

我對中文系真的有興趣＆能力嗎？

還是聽張ｓｉｒ講，返大陸讀哲學？

ｒｅｔａｋｅ　ｕｅ，真的有可能？

還是還是．．．？



無論如何，感謝這段時間支持過我的人！

因為你們，我呢兩年係無白費的！