我對音樂可以話一竅不通，
但感謝你的勇敢，能將你的理想放上youtube，
是問有幾多個人可以堅持自己的理想到如此地步？
讀書呢啲野好死，成日同自己講，唔好比現今香港扭曲咗的價值觀影響到自己，瞎目咁去讀，死讀書，讀死書，讀書死。
但又深明現實求存的必要性，唔想成為教育制度下的失敗者，盡力爭取出走的資格，所以幾唔願意都好，都讀落去。
盡量係外在客觀一紙學歷上保持一定競爭力，同時又唔埋没自己內心的喝求，學自己想學的知識，好想兩者之間得到一個平衡。但，自己一直都做不到。
好多成功人士，為咗自己夢想而放棄學業。坦白講，有時只睇到佢地的風光，睇唔到佢地背後付出左幾咁多。係自己夢想就去追，唔好比自己人生有後侮，我諗，呢個係佢地成功的共通點。
一直覺得在追求自己理想的道路很難行，嘴邊經常掛上熱愛中文的說話，但做的又不是。
不知不覺間成為一具無靈魂，每日為左迎合主流價值觀既空殼。
我知道自己呢一刻仲未做到放棄一切，全心全意咁去追尋心中的理想，但都會盡量取得一個平衡，一天一天地做得更好。
|
