今日返工本身都矛乜特別事發生....

都可以叫做平平無奇架.....

點知.....4點幾去銀行o個時勁樣衰呀....＞︿＜

平時o的cash都係交通既票.....

點知今日張票係恆生....矛為意.....

走左去交通排左差唔多成半個鐘頭隊....

跟住櫃位個哥仔同我講"恆生票拎唔到錢喎"....

我先知道自己去錯左銀行囉.....

樣衰到爆呀....＞O＜

跟住去到恆生又要排隊排成半個鐘.....

今日搞咩呀....做乜咁多人排隊去銀行架ＴＯＴ

*********************************

今日見仲有時間....所以去左"噢"船仔返學.....

順手返學前扯實耳仔要交電話費ＸＤ

點知去到門市....佢print張單出黎...要我去7仔交.....

頂丫....搞到我行到咁遠....都仲要交唔到費\"/

但係返學夠鐘....所以都係返左學先~)︿(~

放左學去交費o個時....個電話已經cut左打出服務...可惡＞Ｏ＜

之後返到屋企打去CS樹問下個電話幾時開得番....

可惡到呢....個CS話門市有得交架囉....仲要係我去o個兩間既其中一間有囉....

激死我喇....咀咒門市條茂利\"/

好彩個CS話半個鐘~4個鐘內個電話一定開得番姐....

如果唔係我一定剷到佢地上天花板呀~~吼~~~~\O/

*****************************************************

激氣完矛耐......就被炸死左....嗚嗚....Ｔ︿Ｔ

一開始颯颯話機票2千....我矛可能請到假....重傷....ＴＯＴ

跟住....再黎一大段一大段既live repo.......

我望見頭頂多左巧多純天然炸彈......

佢地不斷咁跌緊落黎呀.....救命呀.....ＴＯＴ/

你哩棵可惡既植物....

一早都話你有毒架啦....＞Ｏ＜

依家唔止有毒....仲識放炸彈....過份呀....ＴＯＴ

****************************************

基於炸剩得番半條命都唔豬有矛.....

所以決定爬黎寫定日記(遺言?!).....

好喇.....寫住咁多先......要番去繼續比炸彈炸喇.......Ｔ︿Ｔ/