終於渡過左第一次的SAT了
其實無咩大感覺 希望成績都有番咁上下啦
因為這壞東西令我緊張左成2個月
大家見番我 係咪有種莫名的喜悅呢
--------------------------------------------------------
話雖如此 另一埸仗又要開打啦
我今個周末有爆多功課要衝
--------------------------------------------------------
其實兩個月定唔知一個月唔打卜唔係因為這壞東西 係個心好雜亂
唔想比人知我諗咩 想消失一陣太多人與事令我好心煩
-------------------------------------------------------
太多野我接受唔到了
果個唔知邊個同邊個拍拖 果個又同唔知邊個拍拖
呢個又向佢示愛 果個又鬧想分手
咩事呀 中學生 你地中五啦 唔該你地唔好咁玩命啦
唔讀書真係會咁就一世架 對我尼講
-------------------------------------------------------
之前終於睇左那些年 無想像中咁感動 或者係聽得睇得太多啦
不過佢都足夠令我心煩左兩日 令我覺得自己既青春已經過左
有一刻係想同你講我係點諗 點知一直都見唔到你 咁算啦
我話 分手最痛係到頭尼發現自己無愛過
我唔知係我唔想去接受定係我真係無 都已經過左去啦
就比我做一個平凡唔到既普通男仔吧
------------------------------------------------------
我同你地講睇左那些年 唔代表你地有藉口可以拍拖
我就睇住你地點 你呢個懶醒 仲同我講話可以平衡到
你收皮啦 八婆
----------------------------------------------------
其實 之前有一日入左尼整個音樂播放器比大家
不過我又無打卜 好似有啲哂左 大家要聽哂四首先好走呀
------------------------------------------------------
之前係你管到睇左好多 當個創世神既片
好有興趣 我已經將佢收錄左係我既遲啲列表度
仲有我你管多左好多訂閱項目 近排好迷伍公子下
得閒睇下啦
----------------------------------------------------
前日見到好多人衝IES 見到開開 令仔男人 多多仲有唔知既咁多個人啦
葉哲開我真係好想打你 連見紅呢啲咁既麻甩佬都咁多野同我講
你個茂尼 表情我！！！
不過我真係唔好諗太多了 我唔想成為第二個 癲婆
你呢個癲婆真係好變態 我都有啲羨慕你 可惜我唔中意自拍
-------------------------------------------------
其實大家可唔可以唔好再問我你咁快考試或者大學想點
我唔想再解釋了大家維基吧 仲有我係一個無長遠計劃既人
係咁多 多謝
---------------------------------------------------
其實有冇人發覺我死都要打卜打中文
連數字都唔打 係因為打英碼行位會闊左唔好睇 哈
--------------------------------------------------
咁多先